Úkimet basshysy Asqar Mamin óńirge jasaǵan jumys sapary barysynda Altai aýdanyndaǵy Turǵysyn ózeninde salynyp jatqan SES-te kórip, qurylys jumystarynyń barysymen tanysty. Búginde qurylys jumystary aiaqtalýǵa taiaý. Ústimizdegi jyldyń qyrkúiek aiynda iske qosylatyn stantsiianyń qýattylyǵy 29,4 MVt quraidy.
Mamandardyń pikirinshe, Turǵysyn ózeninde osy ispettes taǵy úsh stantsiia salý josparlanǵan. SES-tiń sý jinatyn bógetiniń uzyndyǵy 284 metrdi quraidy. Munda qýat kózin óndirý úshin 6 million tekshe metr sý qoryn jinaqtaýǵa bolady. Osy rette jańa nysan Shyǵystyń 40 gradýstyq sary aiazy men kóktemgi sý tasqynyna tótep beretinimen erekshelenedi.
Premer-Ministr Eýropa men Amerikadaǵy ozyq tehnologiianyń negizinde salynyp jatqan nysanǵa gidroenergetikalyq qondyrǵylardyń qalai ornatylyp jatqanyn óz kózimen kórdi.
Asqar Mamin oblysta shaǵyn ózenderdiń potentsialyn tiimdi paidalanyp, elektr energiiasyn óndirý salasyna oń baǵasyn berdi.
