ٷكٸمەت باسشىسى اسقار مامين ٶڭٸرگە جاساعان جۇمىس ساپارى بارىسىندا التاي اۋدانىنداعى تۇرعىسىن ٶزەنٸندە سالىنىپ جاتقان سەس-تە كٶرٸپ, قۇرىلىس جۇمىستارىنىڭ بارىسىمەن تانىستى. بٷگٸندە قۇرىلىس جۇمىستارى اياقتالۋعا تاياۋ. ٷستٸمٸزدەگٸ جىلدىڭ قىركٷيەك ايىندا ٸسكە قوسىلاتىن ستانتسييانىڭ قۋاتتىلىعى 29,4 مۆت قۇرايدى.
مامانداردىڭ پٸكٸرٸنشە, تۇرعىسىن ٶزەنٸندە وسى ٸسپەتتەس تاعى ٷش ستانتسييا سالۋ جوسپارلانعان. سەس-تٸڭ سۋ جيناتىن بٶگەتٸنٸڭ ۇزىندىعى 284 مەتردٸ قۇرايدى. مۇندا قۋات كٶزٸن ٶندٸرۋ ٷشٸن 6 ميلليون تەكشە مەتر سۋ قورىن جيناقتاۋعا بولادى. وسى رەتتە جاڭا نىسان شىعىستىڭ 40 گرادۋستىق سارى ايازى مەن كٶكتەمگٸ سۋ تاسقىنىنا تٶتەپ بەرەتٸنٸمەن ەرەكشەلەنەدٸ.
پرەمەر-مينيستر ەۋروپا مەن امەريكاداعى وزىق تەحنولوگييانىڭ نەگٸزٸندە سالىنىپ جاتقان نىسانعا گيدروەنەرگەتيكالىق قوندىرعىلاردىڭ قالاي ورناتىلىپ جاتقانىن ٶز كٶزٸمەن كٶردٸ.
اسقار مامين وبلىستا شاعىن ٶزەندەردٸڭ پوتەنتسيالىن تيٸمدٸ پايدالانىپ, ەلەكتر ەنەرگيياسىن ٶندٸرۋ سالاسىنا وڭ باعاسىن بەردٸ.
