Koronavirýs juqtyrǵan balalarda qaýipti sindrom belgisi baiqalýda
- Biz Kavasaki sindromynyń ózi týraly aityp otyrǵan joqpyz. Muny Kavasaki tárizdi sindrom dep ataidy, iaǵni bul mýlti qabyný sindromy. Kóptegen álemdik zertteýlerge sáikes, bul - balalar arasynda simptomy bilinbeitin koronavirýs infektsiiasyn juqtyrǵannan keiin paida bolatyn sindrom. Bizde jatqan balalarda da osyǵan uqsas belgiler bar. Qazir zertteý júrgizilip, dárigerler keńesip jatyr. Mamandar keiin tolyǵyraq esep beredi, - dep túsindirdi Muratov.
Onyń aitýynsha, búginde 7 bala elordanyń úsh balalar aýrýhanasynda emdelip jatyr, onyń ekeýinen koronavirýs aýrýy rastaldy. Iaǵni, olarda koronavirýs infektsiiasy baryn rastaityn antideneler bar.
- Qalǵan beseýinde áli rastalǵan joq, biraq olarda da uqsas jalpy belgiler bar. Qan zertteýinde belgili bir kórsetkishter joǵarylaidy, bul denede belgili bir qabyný protsesteriniń júrip jatqanyn kórsetedi. Biraq syrttan eshnárse bilinbeidi, densaýlyǵy jaqsy sekildi, esh jeri asa qatty aýyrmaidy, - dep túsindirdi bólim basshysy.
Onyń aitýynsha, bul máseleniń ekinshi mańyzdy quramdas bóligi - bul juǵama, juqpai ma,qazir osy jaǵy zerttelip jatyr.
- Qazir men bul týraly naqty aita almaimyn, biraq bul infektsiianyń saldary, ol juqpaly aýrýlar sanatyna jatpaidy, sondyqtan olardy kez-kelgen aýrýhanada emdeýge bolady. Sonda da bul másele tolyǵyraq qarastyrylatyn bolady, biz meditsinalyq ýniversitetterdiń professorlarynan, mamandarymyzdan turatyn jumys tobyn qurdyq. Jaqyn arada biz jaýap alamyz, - dedi Muratov.
