Qandai qyzmet túrlerine tyiym salynady:
- oiyn-saýyq, sporttyq, otbasylyq, estelik, saltanatty jáne basqa da buqaralyq is-sharalardy ótkizýge, sonymen qatar úide ótkizýge;
- barlardyń, túngi jáne oiyn klýbtarynyń, karaoke, fýdkorttardyń, kinoteatrlardyń jáne balalar men eresekterge arnalǵan basqa da oiyn-saýyq oryndarynyń jumysyna;
- mádeniet nysandarynyń, mýzeilerdiń qyzmetine, konferentsiialar, kórmeler, forýmdar ótkizýge;
- basseinder, qalalyq jáne qoǵamdyq jaǵajailar, ashyq akvaparkterdiń jumysyna;
- dini nysandardyń jumysyna;
- qala mańyndaǵy jolaýshylar poiyzdarynyń/elektrichkalardyń qozǵalysyna, jumys poiyzdaryn, qalaaralyq avtobýstardy/mikroavtobýstardy qospaǵanda, ortaq vagondardy qurýǵa.
«Maska rejimi jáne áleýmettik qashyqtyq saqtaý - bul barlyǵyna mindetti sanitarlyq talap jáne azamattardyń ómirindegi kúndelikti erejege ainalýy kerek. Kásipkerlik sýbektileriniń qyzmetin olar tolyq daiyn bolǵan kezde ǵana qalpyna keltirý kerek», - dedi Asqar Mamin.
Epidemiologiialyq jaǵdaidy odan ári turaqtandyrý úshin demalys kúnderi shekteý sharalary saqtalady.
Premer-ministr Asqar Maminniń tóraǵalyǵymen qurylǵan memlekettik komissiia 17 tamyzda karantindi jeńildetý josparyn bekitti. Qazaqstanda 17 tamyzdan bastap kei mekemeler jumysyn jalǵastyrady.
