Almaty oblysynda 299 653 oqýshy qashyqtan oqidy
Oblysta 760 jalpy orta bilim beretin mektep bar. Jańa oqý jylynda oqýshy sany ótken jylmen salystyrǵanda 16,6 myń balaǵa ósip 426 myńnan asyp otyr.
Biylǵy jyly alǵash ret bilim uiasynyń tabaldyryǵyn 44 myńnan astam bala attamaq.
Epidemiologiialyq jaǵdaiǵa bailanysty bilim mekemeleri oqýshylardy tórt baǵytta oqytatyn bolady.
Birinshi baǵyt boiynsha 299 653 oqýshy internet jelisi arqyly oqýmen qamtylatyn bolady.
Ekinshi, 84 471 oqýshy iaǵni bilim alýshylardyń 20 paiyzy respýblikalyq telearnalar «Al-Farabi», «Elarna» jáne oblystyq «Jetisý» telearnasy arqyly bilimin jetildiredi.
Úshinshi, shalǵaidaǵy eldi mekenderdegi 138 mektepte sanitarlyq talaptarǵa sáikes, eki aýysymda 15 baladan 7721 oqýshy shtattyq rejimde oqityn bolady.
Tórtinshi, bastaýysh synyp oqýshylary, ata-analardyń ótinishi negizinde boljammen 5214 kezekshi synyptarda 34 792 bala bilim alatyn bolady. Bul oqýshylardyń 8 paiyzyn quraidy.
Óńir basshysy brifing barysynda oblys boiynsha oqýshylardyń kompiýterlik tehnikamen qamtamasyz etilgenin tilge tiek etti. Onyń aitýynsha, bilim alýshylardyń 61 paiyzy tehnikamen qamtamasyzdandyrylǵan. Sondai-aq mektepterdegi 23 678 kompiýter balalarǵa ýaqytsha paidalanýǵa berilmek.
Aldaǵy ýaqytta memlekettik - jekemenshik áriptestik aiasynda 20 myń kompiýter satyp alynady dep kútilýde.
Mektep jasyndaǵy bóbekterdiń basym bóligi internet jelisine qosylǵan. Olardyń kórsetkishi 88 paiyzǵa jetip jyǵylady.
«Metsenattar tarapynan kómekter kórsetilýde, máselen «Jas arhitektorlar men qurylysshylar» qoǵamdyq qory oblystyń az qamtylǵan otbasylardyń balalary úshin 150 kompiýter quraldaryn tegin berýi josparlanýda»,-deidi Amandyq Batalov.
Aita keterligi, «Qazaqtelekom» AQ arqyly 98 mektepte internet jyldamdyǵyn 4 Mbit-ten 8 Mbit-ke deiin ulǵaitý kútilýde.
Sondai-aq, internet jelisine qosylý úshin oqýshylarǵa 43 myń roýterlar satyp alý josparlanýda.
Sandardy sóiletetin bolsaq, Almaty oblysy boiynsha bilim salasyna 314,2 mlrd. teńge qarjy qarsatyrylǵan. Jalpy oblysta atalǵan salaǵa biýdjet qarajatynyń 65% bólinip otyrady.
Anar SABYROVA, Almaty obylsy.
