Forým barysynda mamandar bilim berý salasyndaǵy ózekti máselelerdi kóterdi. Atap aitqanda pandemiiadan keiingi bilim berý, pandemiia kezindegi oqýshylardyń psihikasyndaǵy ózgerister, onlain-bilim berýdegi memlekettik tapsyrystyń bólinýi, úshtildilik, bilim berý salasyndaǵy reformalardyń tiimdiligi, oqýshylar arasyndaǵy bilim alý teńsizdikteri, Edtex salasyndaǵy innovatsiialar men jalpyhalyqtyq saýatsyzdyq qaýpi jaiyndaǵy taqyryptar boiynsha mamandar óz oilaryn ortaǵa saldy.
«Pandemiiadan keiingi bilim berý» taqyryby tóńireginde talqylanǵan máseleler bilim salasyndaǵy kókeikesti kóptegen problemalardy qamtydy. Sol máseleniń biri – oqýshylardyń bilim alý teńsizdigi. Bul jaiynda Joo.kz jobasynyń negizin qalaýshy Qanat Óksikbaev, jalpy bilimdi teńdestirý boiynsha Edtex salasynyń múmkindikterin paidalaný kerektigin aitty.
«Qala men aýyl-aimaqta bilim teń emes ekeni bárimizge belgili. Alaida internet jelisi men bilim berý platformalary bul tyǵyryqtan shyǵýǵa alternativti múmkindik berip otyr. Sol sebepti sapaly bilimdi birdei deńgeide berýdi jetildirý úshin bilim berý platformalaryn qoldaný kerek. Degenmen Edtex-ti paidalaný jalpyǵa birdei paidaly dep aitý da qiyn. Óitkeni onlain bilim alý óz betinshe jumys isteitin balalarǵa ǵana utymdy bolsa, jetekshilikpen jumys isteýdi qajet etetin basqa oqýshylarǵa qiyndyq týdyrtyp otyrǵanyn joqqa shyǵarýǵa bolmaidy. Sondyqtan bilim berýdegi teńsizdikti tek platformalar arqyly tolyqtai teńdestirý múmkin emes. Biraq alternativti sheshý joly retinde qarastyrýǵa bolady» - dep tolyqtai qashyqtyqtan bilim berýge kóshý durys jol emestigine nazar aýdardy.
Aýyl-aimaq balalaryna qazaq tildi bilim resýrstaryn usynyp júrgen Daryn.online platformasynyń direktory Asqar Maqsattyń pikirinshe, pandemiialyq ahýal eldegi bilim salasyna qatysty ózge de kóptegen máseleler óz sheshimin tappaǵanyn basa aitty.
«Daryn onlain platformasynyń birden bir maqsaty – sapaly bilimdi aýyl-aimaqa jetkizý bolatyn. Alaida pandemiia bizge Qazaqstandaǵy internettiń qoljetimdiligi tek 40 paiyzǵa ǵana jumys isteitinin kórsetti. Saldarynan shalǵaidaǵy oqýshylarǵa qazaq tildi sapaly kontentti jetkizý qiyn boldy», -dedi.
Al forýmnyń ekinshi sektsiiasynda sóz sóilegen Májilis depýtaty Irina Smirnova, ǵylym-bilim salasyna memleket tarapynan bólingen qarjynyń maqsatty túrde jumsalyp jatqanyna kúmán keltirdi.
«Bilim salasynyń máseleleri árqashan ózekti. Memleket tarapynan bilim salasyna trilliondap qarjy bólinse de, nátije joq. Máselen, aǵylshyn tilin jappai meńgertý boiynsha joba jasaldy. Joba aiasynda qarjy igerilip, jumystar atqarylǵany kórsetilgen. Al is júzinde aǵylshyn deńgeii kóterilgen oqýshylardy kórmedik. Bul óte kúrdeli másele. Eger atqarylǵan iste olqylyq pen qatelikter bolsa, ol jaiynda qoǵam únsiz qalmaýy tiis. Mundai júieni ózgertý kerekpiz, ózimiz de ózgerýimiz kerek. Sondai-aq jekemenshik bilim berý ortalyqtary memleket memleket nazarynan tys qalmaýy tiis dep sanaimyn. Óitkeni jekemenshik sektor jalpy bilim deńgeiiniń joǵarylaýyna koeffitsienttik turǵydan yqpal etedi»,- dep jekemenshik bilim berý ortalyqtaryna da nazar aýdarý qajettigin málimdedi.
Sonymen qatar VIII Halyqaralyq matematika, fizika jáne informatika muǵalimderiniń forýmy aiasynda pedagogtarǵa arnalǵan konkýrs uiymdastyryldy. Konkýrsqa qatysýǵa niet bildirgen qazaqstandyq jáne alys-jaqyn shet elderden, atap aitar bolsaq Resei, Ózbekstan, Qyrǵyzstan, Túrkiia, Armeniia elderinen qatysýshylar baq synasty. Nátijesinde eń úzdik muǵalimder anyqtalyp, jeńimpazdar Qazaqstan Respýblikasynyń Bilim jáne Ǵylym Ministrliginiń diplommen marapattaldy.
Uljan Qoishymanova
