Júrgizýshi kýáligin rásimdeýdegi 5 qadam
Osyǵan qaramastan, azamattardyń kópshiliginde qujattardy jinaý jáne emtihan tapsyrý týraly suraqtary týyndaidy. Barlyǵyn qalai durys rásimdeý qajettigi týraly redaktsiiamyzǵa «Azamattarǵa arnalǵan úkimet» memlekettik korporatsiiasynyń Shymkent qalalyq filialynyń ókilderi aityp berdi.
Belgili bolǵandai, júrgizýshi kýáligin rásimdeý úshin tek 5 qarapaiym qadam jasaý kerek:
1-qadam
Kólik júrgizýshisi kýrstaryn úiretetin mektepti taýyp, nusqaýshymen birge kólik júrgizip mashyqtanyńyz. V kategoriiasyna jol erejesin óz betińizshe de úirene alasyz.
2-qadam
Qujattar jinaý.
Qajetti qujattar:
jeke kýálik,
073 úlgisindegi meditsianylq anyqtama,
avtokýrsty bitirgeni týraly kýálik (bolǵan jaǵdaida)
memlekettik baj salyǵyn tólegenińiz týraly túbirtek – baj mólsheri 1,25 AEK.
3-qadam
Teoriialyq emtihan. 40 minýt ishinde 40 suraqtyń 32-sine durys jaýap berseńiz, emtihannan sátti ótkenińiz.
4-qadam
Avtodromdaǵy praktikalyq emtihan. Eger teoriia sátti tapsyrylsa, sizdi praktikalyq emtihan jiberedi. 20 minýt ishinde 12 jattyǵý erejelerin durys ótý kerek.
5-qadam
Daiyn qujatty alý. Eki emtihandy da sátti tapsyrsańyz, sizge júrgizýshi kýáligi beriledi.
Bul rette eGov.kz portalynda júrgizýshi kýáligin aýystyrýǵa, avtokólikti qaita rásimdeýge, memlekettik nómirdi tańdaýǵa, tirkeýge, kólik nómirin úige jetkizý qyzmeti qoljetimdi ekenin eskertemiz.
2021 jyldyń 11 aiynda Shymkent qalasyndaǵy Mamandandyrylǵan HQO arqyly 76 myńnan astam júrgizýshi kýálikteri berildi.
Anyqtama:
Mamandandyrylǵan HQO mekenjailary:
№1 mamandandyrylǵan HQO: Dostyq m.a.
№2 arnaiy HQO: 119 kvartal, 381/1, Tashkent ainalma joly.
№3 arnaiy HQO: Qyzyljar m.a., Jidelibaisyn kóshesi 92. «Bekjan-komfort»
Jumys kestesi: DS-JM, 9.00- den 18.00-ge deiin úzilissiz.
