جۇرگىزۋشى كۋالىگى – ەلىمىزدىڭ مامانداندىرىلعان حقو-لارىندا سۇرانىسقا يە مەملەكەتتىك قىزمەتتەردىڭ ءبىرى. كولىك جۇرگىزۋگە رۇقسات بەرەتىن قۇجاتتى العاش راسىمدەۋشىلەردەن بىرنەشە قۇجات قانا تالاپ ەتىلەدى.

وسىعان قاراماستان، ازاماتتاردىڭ كوپشىلىگىندە قۇجاتتاردى جيناۋ جانە ەمتيحان تاپسىرۋ تۋرالى سۇراقتارى تۋىندايدى. بارلىعىن قالاي دۇرىس راسىمدەۋ قاجەتتىگى تۋرالى رەداكسيامىزعا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ شىمكەنت قالالىق فيليالىنىڭ وكىلدەرى ايتىپ بەردى.

بەلگىلى بولعانداي، جۇرگىزۋشى كۋالىگىن راسىمدەۋ ءۇشىن تەك 5 قاراپايىم قادام جاساۋ كەرەك:

 

1-قادام

كولىك جۇرگىزۋشىسى كۋرستارىن ۇيرەتەتىن مەكتەپتى تاۋىپ، نۇسقاۋشىمەن بىرگە كولىك جۇرگىزىپ ماشىقتانىڭىز. ۆ كاتەگورياسىنا جول ەرەجەسىن ءوز بەتىڭىزشە دە ۇيرەنە الاسىز.

 

2-قادام

قۇجاتتار جيناۋ.

قاجەتتى قۇجاتتار:

جەكە كۋالىك،

073 ۇلگىسىندەگى مەديسيانىلق انىقتاما،

اۆتوكۋرستى بىتىرگەنى تۋرالى كۋالىك (بولعان جاعدايدا)

مەملەكەتتىك باج سالىعىن تولەگەنىڭىز تۋرالى تۇبىرتەك – باج مولشەرى 1،25 اەك.

 

3-قادام

تەوريالىق ەمتيحان. 40 مينۋت ىشىندە 40 سۇراقتىڭ 32-سىنە دۇرىس جاۋاپ بەرسەڭىز، ەمتيحاننان ءساتتى وتكەنىڭىز.

 

4-قادام

اۆتودرومداعى پراكتيكالىق ەمتيحان. ەگەر تەوريا ءساتتى تاپسىرىلسا، ءسىزدى پراكتيكالىق ەمتيحان جىبەرەدى. 20 مينۋت ىشىندە 12 جاتتىعۋ ەرەجەلەرىن دۇرىس ءوتۋ كەرەك.

 

5-قادام

دايىن قۇجاتتى الۋ. ەكى ەمتيحاندى دا ءساتتى تاپسىرساڭىز، سىزگە جۇرگىزۋشى كۋالىگى بەرىلەدى.

 

بۇل رەتتە eGov.kz پورتالىندا جۇرگىزۋشى كۋالىگىن اۋىستىرۋعا، اۆتوكولىكتى قايتا راسىمدەۋگە، مەملەكەتتىك ءنومىردى تاڭداۋعا، تىركەۋگە، كولىك ءنومىرىن ۇيگە جەتكىزۋ قىزمەتى قولجەتىمدى ەكەنىن ەسكەرتەمىز.

 

2021 جىلدىڭ 11 ايىندا شىمكەنت قالاسىنداعى مامانداندىرىلعان  حقو ارقىلى 76 مىڭنان استام جۇرگىزۋشى كۋالىكتەرى بەرىلدى.

 

انىقتاما:

مامانداندىرىلعان حقو مەكەنجايلارى:

№1 مامانداندىرىلعان حقو: دوستىق م.ا.

№2 ارنايى حقو: 119 كۆارتال، 381/1، تاشكەنت اينالما جولى.

№3 ارنايى حقو: قىزىلجار م.ا.، جيدەلىبايسىن كوشەسى 92. «بەكجان-كومفورت»

جۇمىس كەستەسى: دس-جم، 9.00- دەن 18.00-گە دەيىن ءۇزىلىسسىز.