Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual

Jambyl jerinde Almaty oblysynyń mádeniet kúnderi bastaý aldy

Dalanews
Jambyl jerinde Almaty oblysynyń mádeniet kúnderi bastaý aldy
Jetisýdyń jaýharlary jyrdan shashý shashyp, Jambyl jerin dúbirge bóledi. Ǵasyrlyq ǵumyrynda aryny basylmaǵan alyp jyrshy, óshpes mura qaldyrǵan dúldúl aqyn – Jambyl Jabaevtyń 175 jyldyq mereitoiy aiasynda, el Táýelsizdiginiń 30 jyldyǵy qarsańynda Almaty oblsynyń ónerpazdary kieli mekenge taban tiredi, – dep habarlaidy Dalanews.kz.

Jeti ózeni toǵysqan ólkeniń mádenietiniń damýyna ólsheýsiz úles qosyp júrgen saf ónerdiń saqalary, Almaty oblysynyń Jambyl oblysyndaǵy mádeniet kúnderi aiasynda «Jeruiyq meken – Jetisý» atty kontsertti kóptiń nazaryna usyndy.

Mádeni sharada Súiinbai atyndaǵy Almaty oblystyq filarmoniiasynyń ónerpazdarymen qatar Ómirqul Ainiiazov, QR eńbek sińirgen ártisteri - Uljan Ainaqulova, Qanat, Aitgúl Qudaibergenovter óner kórsetti.

Jetisýlyqtardyń jambyldyqtarǵa tartýy  Janat Baidaralinniń «Ǵasyrlar úni» qoiylymymen shymyldyǵyn túrip, «Aqyndarǵa arnaý», «Kók sholaq», «Dúldúlim», «Sary jazyq», «Sarybaiǵa», «Aq qaiyq», «Jetisý» syndy dástúrli án sherýmen jalǵasyn tapty.

Merekelik kesh sońy «Altynai» memlekettik halyqtyq bi ansambliniń oryndaýyndaǵy «Jastar saltanaty» qoiylymmen qorytyndylanyp, Jambyl oblysynyń ákimi Berdibek Saparbaevtyń «Yqylas gúli» jetisýlyqtarǵa tabys etildi.

Mádeniet kúnderi bir ǵana keshpen aiaqtalmady, sharanyń sheńberinde «Balasaǵun» ortalyq kontsert zalynda «Uly jyraýdyń asyl murasy» atty jáne Jambyl oblysyndaǵy Sáken Seifýllin atyndaǵy Almaty oblystyq ámbebap kitaphanasynyń uiymdastyrýymen «Jer jánnaty Jetisý-jeruiyǵym» degen ataýdy arqaý etken jyljymaly kórme kerege jaidy.

«Uly jyraýdyń asyl murasy» kórmesi Jambyl Jabaevtyń ádebi – memorialdy mýzeiiniń qoryndaǵy 100-ge jýyq eksponattar negizinde bezendirildi.

Kórme ekspozitsiiasynda jyr alybynyń ózi ustaǵan dombyrasy, Máskeý qalasyna sapary kezinde kigen shapandary, telefon apparaty, sonymen qatar elimizge belgili sýretshilerdiń týyndylary jáne taǵy da basqa qundy ǵasyr aqynynyń ómiri men shyǵarmashylyǵynan mol málimet beretin murajai eksponattary qazdai tizilip, kóshpeli kórmeden oryn tapty.


Al, «Jer jánnaty Jetisý-jeruiyǵym» atty kórmesi jetisýlyq aqyn-jazýshylardyń tyń týyndylaryn  Jambyl oblysyndaǵy oqyrman qaýymǵa nasihattap, jańasha aqparattarmen bólisý maqsatynda júzege asty.

Áýlieatalyqtarǵa aqyn, dramatýrg, qoǵam qairatkeri Iliias Jansúgirovtiń 125 jyldyq mereitoiyna orai  Almaty oblysy ákiminiń qoldaýymen jaryq kórgen  20 tomdyq shyǵarmalar jinaǵy, Jambyl Jabaevtyń 175 jyldyq mereitoiyna  orai jaryq kórgen  «Jambyl Jabaev» kitabynyń 30 tomdyǵy, sondyi-aq, Sáýle  Dosjannyń «Birtýar» (2021), Beisen Quranbektiń  «Parasat biigi» (2021) kitaby qala turǵyndary men qonaqtaryna tanystyryldy.

Aita keteiik, qos kórme 7-jeltoqsan kúni A.Toqpanov atyndaǵy Jambyl oblystyq qazaq drama teatrynyń foesinde kelýshiler nazaryna usynylady.
Jetisý Jeruiyq Almaty oblysy Iliias Jansúgirov Jambyl Jabaev 175 jyl «Aqyndarǵa arnaý» «Kók sholaq» «Dúldúlim» «Sary jazyq» «Sarybaiǵa» «Aq qaiyq» Sáken Seifýllin atyndaǵy Almaty oblystyq ámbebap kitaphana Madina Sádýaqasova

Oqi otyryńyz