جەتى وزەنى توعىسقان ولكەنىڭ مادەنيەتىنىڭ دامۋىنا ولشەۋسىز ۇلەس قوسىپ جۇرگەن ساف ونەردىڭ ساقالارى، الماتى وبلىسىنىڭ جامبىل وبلىسىنداعى مادەنيەت كۇندەرى اياسىندا «جەرۇيىق مەكەن – جەتىسۋ» اتتى كونسەرتتى كوپتىڭ نازارىنا ۇسىندى.
مادەني شارادا ءسۇيىنباي اتىنداعى الماتى وبلىستىق فيلارمونياسىنىڭ ونەرپازدارىمەن قاتار ءومىرقۇل اينيازوۆ، ق ر ەڭبەك سىڭىرگەن ارتىستەرى - ۇلجان ايناقۇلوۆا، قانات، ايتگۇل قۇدايبەرگەنوۆتەر ونەر كورسەتتى.
جەتىسۋلىقتاردىڭ جامبىلدىقتارعا تارتۋى جانات ءبايداراليننىڭ «عاسىرلار ءۇنى» قويىلىمىمەن شىمىلدىعىن ءتۇرىپ، «اقىندارعا ارناۋ»، «كوك شولاق»، «ءدۇلدۇلىم»، «سارى جازىق»، «سارىبايعا»، «اق قايىق»، «جەتىسۋ» سىندى ءداستۇرلى ءان شەرۋمەن جالعاسىن تاپتى.
مەرەكەلىك كەش سوڭى «التىناي» مەملەكەتتىك حالىقتىق بي ءانسامبلىنىڭ ورىنداۋىنداعى «جاستار سالتاناتى» قويىلىممەن قورىتىندىلانىپ، جامبىل وبلىسىنىڭ اكىمى بەردىبەك ساپاربايەۆتىڭ «ىقىلاس گ ۇلى» جەتىسۋلىقتارعا تابىس ەتىلدى.
مادەنيەت كۇندەرى ءبىر عانا كەشپەن اياقتالمادى، شارانىڭ شەڭبەرىندە «بالاساعۇن» ورتالىق كونسەرت زالىندا «ۇلى جىراۋدىڭ اسىل مۇراسى» اتتى جانە جامبىل وبلىسىنداعى ساكەن سەيفۋللين اتىنداعى الماتى وبلىستىق امبەباپ كىتاپحاناسىنىڭ ۇيىمداستىرۋىمەن «جەر ءجانناتى جەتىسۋ-جەرۇيىعىم» دەگەن اتاۋدى ارقاۋ ەتكەن جىلجىمالى كورمە كەرەگە جايدى.
«ۇلى جىراۋدىڭ اسىل مۇراسى» كورمەسى جامبىل جابايەۆتىڭ ادەبي – مەموريالدى مۋزەيىنىڭ قورىنداعى 100-گە جۋىق ەكسپوناتتار نەگىزىندە بەزەندىرىلدى.
كورمە ەكسپوزيسياسىندا جىر الىبىنىڭ ءوزى ۇستاعان دومبىراسى، ماسكەۋ قالاسىنا ساپارى كەزىندە كيگەن شاپاندارى، تەلەفون اپپاراتى، سونىمەن قاتار ەلىمىزگە بەلگىلى سۋرەتشىلەردىڭ تۋىندىلارى جانە تاعى دا باسقا قۇندى عاسىر اقىنىنىڭ ءومىرى مەن شىعارماشىلىعىنان مول مالىمەت بەرەتىن مۇراجاي ەكسپوناتتارى قازداي ءتىزىلىپ، كوشپەلى كورمەدەن ورىن تاپتى.
ال، «جەر ءجانناتى جەتىسۋ-جەرۇيىعىم» اتتى كورمەسى جەتىسۋلىق اقىن-جازۋشىلاردىڭ تىڭ تۋىندىلارىن جامبىل وبلىسىنداعى وقىرمان قاۋىمعا ناسيحاتتاپ، جاڭاشا اقپاراتتارمەن ءبولىسۋ ماقساتىندا جۇزەگە استى.
اۋليەاتالىقتارعا اقىن، دراماتۋرگ، قوعام قايراتكەرى ءىلياس جانسۇگىروۆتىڭ 125 جىلدىق مەرەيتويىنا وراي الماتى وبلىسى اكىمىنىڭ قولداۋىمەن جارىق كورگەن 20 تومدىق شىعارمالار جيناعى، جامبىل جابايەۆتىڭ 175 جىلدىق مەرەيتويىنا وراي جارىق كورگەن «جامبىل جابايەۆ» كىتابىنىڭ 30 تومدىعى، سوندىي-اق، ساۋلە دوسجاننىڭ «ءبىرتۋار» (2021)، بەيسەن قۇرانبەكتىڭ «پاراسات بيىگى» (2021) كىتابى قالا تۇرعىندارى مەن قوناقتارىنا تانىستىرىلدى.
ايتا كەتەيىك، قوس كورمە 7-جەلتوقسان كۇنى ا.توقپانوۆ اتىنداعى جامبىل وبلىستىق قازاق دراما تەاترىنىڭ فوەسىندە كەلۋشىلەر نازارىنا ۇسىنىلادى.
