Bir mezgilde 11 myń iri qarany bordaqylaityn álýeti bar búginde. Ázir jylyna 7000 myń tonnadan asyp jyǵylatyn et óńdeidi eken. Sońǵy jyldary «AqTeptegi» ónim óndirý kólemi ósýde. Basshylyq basymdyq berip otyrǵan baǵyttyń biri – kombinattaǵy eńbek ónimdiligin 45 paiyzǵa arttyrý.
«AqTeptiń» ainalasyna toptasqan irili-usaqty sharýaqojalyqtar kombinattyń osy mejege jetýine qol ushyn sozbaq. Kombinat pen sharýaqojalyqtar arasynda qos tarapqa da tiimdi bailanys ornaǵan. Sonyń esebinen sharýasyn shiratyp jatqandar kóp. «Aqteptiń» qanatynyń astyna ótken olar jyl on eki ai damylsyz jumys isteidi.
Kombinattyń tóńiregine búgingi tańda 400-ge jýyq sharýashylyq toptasypty.
Kásiporyn bolsa qojalyqtardyń ónimin joǵary baǵamen qabyldaýda. Turaqty tutynýshysy bar sharýa da alysqa júgirmesi anyq mundaida. Ári alypsatarǵa da aldanbaidy.
«Aqtep» qojalyqtardyń asyl tuqymdy mal basyn ósirýi men kóbeitýine de demeýshilik jasap otyr. «Qojalyqtar osy oradan aberdin-angýs atty asyl tuqymdy maldyń buqasyn jalǵa alady. Al bul tuqymnan týǵan tól bir jylǵa jeter-jetpes ýaqytta 350-400 keli salmaq jinaidy», – deidi kombinat basshylyǵy.
«AqTep» kombinaty ázir mal bordaqylaýdyń tiimdi ári zamanaýi tásilderine kóshken. Basshylyq asyl tuqymdy reprodýktorlardyń qýatyn kóterýge basymdyq berip otyr. Munyń mólsheri – 6200 iri qaraǵa teń eken.
Bylaisha aitqanda, san men sapaǵa qatar kóńil bólýde bul kombinat.
«AqTep» JShS-niń basshysy Nurlan Saǵynalinniń aitýynsha mundaǵy jumysshylardyń jalaqysy da táýir.
– Ár siyrǵa 800 teńge, ár buzaýǵa 400 teńge tóleý esebinen qurdyq bul júieni. Ortasha eseppen alǵanda fermerlerdiń ailyǵy 300-350 myń ainalasynda shyǵady.
Tilin taba bilgen adamǵa jumystyń túk qiyndyǵy joq. Sebebi, kombinattyń barlyq tsehtary túgeldei avtomattandyrylǵan. Iri qaranyń qońdysy men kúisizin de zamanaýi tehnikanyń arqasynda suryptap otyramyz.
Kombinattaǵy iri qaranyń árbirine qatysty qajetti málimet bazasy bar buǵan qosa. Ony qoiyp kombinattaǵy tsifrly tehnologiialar arqyly analyq siyrlar shaǵylysqa ázir me, joq pa, soiylatyn mal bir táýlikte qansha salmaq qosty degen saýalǵa anyq-qanyq málimet ala alasyz, – deidi ol.
Siz bilesiz be?
Kásiporyn 2015 jyldyń 11 jeltoqsanynda ashyldy. Aqtóbe et klasteri kombinatyn tikelei efir barysynda Memleket basshysy Nursultan Nazarbaev iske qosty.
«KazakhExport» qol ushyn sozdy
Jobany qarjylandyrý «Agroeksport» kreditteý baǵdarlamasy sheńberinde «Agrarlyq nesie korporatsiiasy» AQ jelisi boiynsha júrgizildi.
Óndirýshi kompaniia bordaqylaý alańy úshin 18 000 bas iri qara satyp alýǵa 2 970 000 000 teńge somaǵa qarjylandyryldy, bul Resei Federatsiiasyna eksport kólemin ulǵaitýǵa múmkindik beredi.
Qaryzdy saqtandyrýdy «KazakhExport» eksporttyq saqtandyrý kompaniiasy» AQ qamtamasyz etedi.
«KazakhExport»-tyń atap ótkenindei osy qaryzdy saqtandyrý mámilesiniń máni kepildik qamtamasyz etý jetkiliksiz jáne/nemese kreditor mámile boiynsha táýekeldi tolyq kóleminde ózine qabyldaýǵa daiyn bolmaǵan jaǵdaida, «KazakhExport»-tyń saqtandyrý óteliminiń berilýimen túsindiriledi.
Nátijesinde qazaqstandyq eksporttaýshy jetpei turǵan kepildik qamtamasyz etýdi (90%-ǵa deiin) qarjylandyrý somasynan alady, sondai-aq óz óniminiń eksporty kólemin ulǵaitý múmkindigine ie bolady.
Esterińizge sala ketsek, maýsym aiynda «KazakhExport» eksporttyq saqtandyrý kompaniiasy» AQ pen «Agrarlyq nesie korporatsiiasy» AQ saqtandyrý qorǵanysymen bordaqylaý alańdary boiynsha ótinimderdi qaraý jáne qarjylandyrý jónindegi birlesken reglamentke qol qoidy.
KazakhExport pen Agrarlyq nesie korporatsiiasynyń yntymaqtastyǵy et óndiretin mal sharýashylyǵy salasynyń eksporttyq áleýetin ulǵaitýǵa septigin tigizetin bolady.
«Et eksportyn qoldaý – KazakhExport-tyń basym baǵyttarynyń biri. Et tonnasyn eksporttaý birneshe tonna azyq óndirýge, aýylsharýashylyq tehnikasyna suranysqa jáne óńirlerde jumys oryndaryn qurýǵa septigin tigizedi. Nátijesinde ekonomikany ártaraptandyrýǵa alyp keledi», - deidi kompaniianyń basqarma basshysy Rýslan Iskakov.
«Qala men Dala» anyqtamasy:
«AqTep» JShS óndiris kásiporny iri qarany bordaqylaý alańyn, etti qaita óńdeý kombinatyn, eksporttyq kompaniiany qamtidy. Bul – zamanaýi tehnologiialary bar ekologiialyq taza et ónimderin óndiretin kásiporyn. Kompaniia: mal ósirýden, qurama jem shyǵarýdan, bordaqylaýdan, etti qaita óńdeýden bastap naqty tutynýshynyń tapsyrysy boiynsha daiyn ónimdi tiep-jóneltýge deiingi qaita óńdeýdiń búkil protsessterin óz betinshe júzege asyrady. Kásiporynda daiyndalatyn barlyq ónimder «Halal» standarttaryna sai keledi.
...
«KazakhExport» eksporttyq saqtandyrý kompaniiasy» AQ («Báiterek» UBH» AQ qurylymyna kiredi) missiiasy – ekonomikanyń basym sektorlarynda shikizattyq emes taýarlardyń, jumystardyń, qyzmetterdiń ósimin qoldaý jáne qazaqstandyq kásiporyndardy qarjy-saqtandyrýmen jáne qarjylai emes qoldaý praktikasyn qalyptastyrý bolyp tabylady.
Eksporttaýshylar www.keg.kz saityna kirip «Eksporttaýshynyń birińǵai terezesi» arqyly saqtandyrýǵa ótinish bere alady.
