Aita ketelik, «KSP Steel» JShS – munai-gaz salasy úshin bolattan jasalatyn tigissiz qubyrlardy óndirý jónindegi alǵashqy qazaqstandyq kásiporyn.
Ishki naryqqa jetkizýden basqa kompaniia ónimderin taiaý jáne alys shetelderge, sonyń ishinde AQSh-qa, Reseige, Ózbekstan men Belorýssiiaǵa eksporttaidy.
«Birinshi jartyjyldyq ishinde ótkizilgen ónimder eksporty 2017 jylmen salystyrǵanda 19 %-ǵa ósti», - dep atap ótildi kompaniiada.
5 myńǵa jýyq adam eńbek etetin «KSP Steel»-diń ereksheligi tolyq tehnologiialyq tsikly bolyp tabylady.
Bolattan jasalatyn tigissiz qubyrlardy óndirý jónindegi zaýyttan basqa munda sharlar, armatýralar, symdar jáne ferroqorytpalar óndirisi jolǵa qoiylǵan.
Ústimizdegi jyldyń shildesinde zaýyt API litsenziiasyn rastady (amerikanyń munai institýty ázirlegen standart tehnologiiaǵa jáne óndiriletin qubyr men mýftalarǵa joǵary talap qoiady), sóitip kezekti ret óz sapasyn, senimdiligin jáne turaqtylyǵyn rastady.
Esterińizge sala ketsek, ústimizdegi jyldyń naýryzynda «KazakhExport» pen «Alfa-Bank» EB AQ qazaqstandyq eksporttaýshy «KSP Steel» JShS-ne 450 mln resei rýbli somasyna eksporttyq saýdany qarjylandyrý shemasy boiynsha qoldaý jónindegi alǵashqy mámile jasasty
Eksporttyq saýdany qarjylandyrý – «KazakhExport»-tyń sheteldik satyp alýshylar tarapynan qazaqstandyq ónimge suranysty yntalandyrý quraly, qazaqstandyq taýarlardy satyp alýy úshin shetel kompaniialaryna Qazaqstan Respýblikasynyń bankteri arqyly beriledi.
Dalanews.kz anyqtamasy:
«KazakhExport» eksporttyq saqtandyrý kompaniiasy» AQ («Báiterek» UBH» AQ qurylymyna kiredi) missiiasy ekonomikanyń basym sektorlarynda shikizattyq emes taýarlardyń, jumystardyń, qyzmetterdiń ósimin qoldaý jáne qazaqstandyq kásiporyndardy qarjy-saqtandyrýmen jáne qarjylai emes qoldaý praktikasyn qalyptastyrý bolyp tabylady.
