ايتا كەتەلىك، «KSP Steel» ج ش س – مۇناي-گاز سالاسى ءۇشىن بولاتتان جاسالاتىن تىگىسسىز قۇبىرلاردى ءوندىرۋ جونىندەگى العاشقى قازاقستاندىق كاسىپورىن.
ىشكى نارىققا جەتكىزۋدەن باسقا كومپانيا ونىمدەرىن تاياۋ جانە الىس شەتەلدەرگە، سونىڭ ىشىندە اقش-قا، رەسەيگە، وزبەكستان مەن بەلورۋسسياعا ەكسپورتتايدى.
«ءبىرىنشى جارتىجىلدىق ىشىندە وتكىزىلگەن ونىمدەر ەكسپورتى 2017 جىلمەن سالىستىرعاندا 19 %-عا ءوستى»، - دەپ اتاپ ءوتىلدى كومپانيادا.
5 مىڭعا جۋىق ادام ەڭبەك ەتەتىن «KSP Steel»ء-دىڭ ەرەكشەلىگى تولىق تەحنولوگيالىق سيكلى بولىپ تابىلادى.
بولاتتان جاسالاتىن تىگىسسىز قۇبىرلاردى ءوندىرۋ جونىندەگى زاۋىتتان باسقا مۇندا شارلار، ارماتۋرالار، سىمدار جانە فەرروقورىتپالار ءوندىرىسى جولعا قويىلعان.
ۇستىمىزدەگى جىلدىڭ شىلدەسىندە زاۋىت API ليسەنزياسىن راستادى (امەريكانىڭ مۇناي ينستيتۋتى ازىرلەگەن ستاندارت تەحنولوگياعا جانە وندىرىلەتىن قۇبىر مەن مۋفتالارعا جوعارى تالاپ قويادى)، ءسويتىپ كەزەكتى رەت ءوز ساپاسىن، سەنىمدىلىگىن جانە تۇراقتىلىعىن راستادى.
ەستەرىڭىزگە سالا كەتسەك، ۇستىمىزدەگى جىلدىڭ ناۋرىزىندا «KazakhExport» پەن «الفا-بانك» ەب اق قازاقستاندىق ەكسپورتتاۋشى «KSP Steel» جشس-نە 450 ملن رەسەي ءرۋبلى سوماسىنا ەكسپورتتىق ساۋدانى قارجىلاندىرۋ سحەماسى بويىنشا قولداۋ جونىندەگى العاشقى مامىلە جاساستى
ەكسپورتتىق ساۋدانى قارجىلاندىرۋ – «KazakhExport»-تىڭ شەتەلدىك ساتىپ الۋشىلار تاراپىنان قازاقستاندىق ونىمگە سۇرانىستى ىنتالاندىرۋ قۇرالى، قازاقستاندىق تاۋارلاردى ساتىپ الۋى ءۇشىن شەتەل كومپانيالارىنا قازاقستان رەسپۋبليكاسىنىڭ بانكتەرى ارقىلى بەرىلەدى.
Dalanews.kz انىقتاماسى:
«KazakhExport» ەكسپورتتىق ساقتاندىرۋ كومپانياسى» اق («بايتەرەك» ۇبح» اق قۇرىلىمىنا كىرەدى) ميسسياسى ەكونوميكانىڭ باسىم سەكتورلارىندا شيكىزاتتىق ەمەس تاۋارلاردىڭ، جۇمىستاردىڭ، قىزمەتتەردىڭ ءوسىمىن قولداۋ جانە قازاقستاندىق كاسىپورىنداردى قارجى-ساقتاندىرۋمەن جانە قارجىلاي ەمەس قولداۋ پراكتيكاسىن قالىپتاستىرۋ بولىپ تابىلادى.
