Úkimet basshylary «Báiterek» holdinginiń enshiles uiymy - «KazakhExport» eksporttyq saqtandyrý kompaniiasy» AQ-nyń qoldaýymen Qazaqstannan Tájikstanǵa eksporttalatyn avtotehnikanyń úlgilerin qarady. Is-sharaǵa «Báiterek» UBH» AQ Basqarma tóraǵasy Aidar Arifhanov qatysty.
Qostanaidaǵy «SaryarqaAvtoProm» zaýytynda jinalatyn qazaqstandyq avtomobilder tájik naryǵynyń senimine ie boldy. Otanymyzda quralǵan JAC S3 qalalyq krossoverleri Dýshanbe qalasynyń taksoparkin tolyqtyrdy, al Almaty oblysynda shyǵarylǵan Hyundai County markaly qazaqstandyq avtobýstar avtobýs parkin keńeitýge baǵyttaldy.
AllurGroup kompaniiasy (quramyna «SaryarqaAvtoProm» jáne «AgromashHolding» óndiristik alańdary kiredi) KazakhExport-tyń qoldaýymen Tájikstanǵa 150-den astam avtomobilder jiberdi.
Krossoverler «Holding Aziia Grýpp Tadjikistan» JAQ-men kelisimshart sheńberinde Dýshanbe qalasyndaǵy mýnitsipaldyq taksoparkti tolyqtyrý úshin jiberiledi. Mámileni «KazakhExport» ESK» AQ-y «Alfa-Bank» EB AQ-men birlese jalpy 1 mln. AQSh dollarynan astam somaǵa eksporttyq saýdany qarjylandyrý shemasy boiynsha iske asyrady.
Krossoverlerden keiin Almaty oblysyndaǵy «Hyundai Trans Auto» JShS-niń óndiristik alańynda shyǵarylǵan 300 avtobýs toptamasy jalpy 19 AQSh mln dollarynan astam somaǵa eksporttalady.
Eksporttyq saýdany qarjylandyrý qazaqstandyq avtoóndirýshige avtomobilder eksporttaýǵa jáne jóneltýden keiin dereý tólemin alýǵa, al tájik satyp alýshysyna arzan jáne úzdiksiz qarjylandyrý túrindegi tólem mursatyn alýǵa múmkindik beredi.
Jalpy quny 10,5 mln dollar bolatyn 1000 dana JAC avtomobilderin jetkizý kelisimshartyn «Alliýr» KT» AQ men «Holding Aziia Grýpp Tadjikistan» 2017 jylǵy kóktemde jasasty. Tájik jaǵynyń ókilderi qostanailyq krossoverlerdiń suranysqa ie ótimdiligin jáne baǵasynyń qoljetimdiligin joǵary baǵalap otyr.
Óz kezeginde, «Alliýr» KT» AQ-da tájiktiń kólik holdingimen mámile Qazaqstannyń avtomobil salasynyń eksporttyq áleýetin eleýli ulǵaitýǵa múmkindik beretini atap ótildi.
«Qala men Dala» anyqtamasy:
«KazakhExport» eksporttyq saqtandyrý kompaniiasy» AQ – «Báiterek» holdinginiń enshiles kompaniiasy. KazakhExport ekonomikanyń basym sektorlarynda shikizattyq emes taýarlardyń, jumystardyń, qyzmetterdiń eksportynyń ósýine qoldaý kórsetýmen jáne qazaqstandyq kásiporyndarǵa qarjy-saqtandyrý jáne qarjylai emes qoldaý praktikasyn qalyptastyrýmen ainalysady.
