Kaspii teńizine qaýip tónip tur, sebebi jańa baldyr túri ekojúie qurylymyn ózgertýi múmkin, dep habarlaidy Dalanews.kz.
Orta Kaspii sý aimaǵynda alǵash ret Ceratium tripos var. Balticum dinofitti baldyr túri tirkeldi. Bul sý gúldenýine yqpal etetin plankton túri. Ol ekojúiege áser etip, mysaly, sýdyń ottegi quramyn azaitady.
Kaspii teńizi buǵan deiin de invaziialyq fitoplankton túrleriniń áserin bastan ótkergen.
— 1934 jyly munda Pseudosolenia calcar-avis diatomdy baldyry keń taralǵan. Ol tez arada usaq fitoplankton túrlerin yǵystyrdy. Biraq onyń jasýshalary baldyrlarmen qorektenetin janýarlardyń kópshiligi úshin tym iri bolyp shyqty. Bul ekojúiege jáne jergilikti túrlerge júktemeni arttyrdy, — dep habarlaidy Reseidiń Búkilreseilik balyq sharýashylyǵy jáne muhittaný ǵylymi-zertteý institýty.
Jańa baldyrlardyń jasýshalary odan da iri. Ǵalymdardyń pikirinshe, bul zooplanktonǵa qoljetimdi qorektik fitoplankton tapshylyǵyn odan ári kúsheitýi múmkin.
Zertteýler kórsetkendei, jańa baldyr túri tym jyldam taralýda. Bul kaspiilik maishabaqtyń qorektik bazasyna qaýip tóndirýde.
Ǵalymdar, sondai-aq, Kaspii teńizinde bógde túrlerdiń kóbeiýin atap ótti. Onyń sebepteri — sý aidynyna organizmderdiń ený joldarynyń kóbeiýi jáne klimattyń ózgerýi. Klimattyń ózgerýi olardyń tirshilik etýine jáne taralýyna qolaily jaǵdai týǵyzýda.
