Elimizdegi kásiptik-tehnikalyq bilimniń órisin keńeitip, keregesin keńeitýde QR Bilim jáne ǵylym ministrligi janynan qurylǵan «Kásipqor» holdingine úlken mindet júktelgen. Qazir holding Qazaqstandaǵy TjKB júiesin jandandyrýdy qamtityn tórt strategiialyq baǵyt boiynsha jumys isteýde. Olar – TjKB bilim berý júiesiniń mazmunyn jańartý, TjKB oqytý sapasyn arttyrý, TjKB tiimdiligi men mártebesin arttyrý jáne ekonomikanyń suranysy men innovatsiialyq baǵyttary boiynsha jumys istep jatqan TjKB berý uiymdaryn jumysyn jandandyrý bolyp tabylady. Endigi kezekte osy altyn arqaý etip belgilegen basym baǵyttar boiynsha jumystardyń qalai iske asyp jatqanyna toqtalsaq.
Birinshi, TjKB bilim berý úrdisiniń mazmunyn jańartý jolynda segiz bilim berý baǵdarlamasy ázirlenip, onyń 97 úlgilik oqý jospary men baǵdarlamasy daiyndaldy. Osy rette holding mamandary daiyndaǵan 29 jańa bilim berý baǵdarlamasy elimizdegi 157 kolledjge engizildi.
Aitalyq, Óskemen, Shymkent jáne Aqtaý qalalarynda jańa bilim berý baǵdarlamalaryn engizý boiynsha kolledjderge ádisnamalyq jáne keńestik qoldaý kórsetý boiynsha óńirlik seminarlar uiymdastyrdyq (270 adam qamtyldy). Sonymen qatar TjKB berý uiymdarynyń oqý-ádistemelik birlestikteriniń qyzmetin jandandyrý boiynsha da qyrýar jumystar atqaryldy.
Holdingtiń 45 bilim berý baǵdarlamalary boiynsha TjKB túlekterine sertifikattaý júrgizip, biliktilikti kóterý úshin teoriialyq jáne praktikalyq test tapsyrmalary ázirlendi. Osy mańyzdy sharalardyń aiasynda «Dýaldy oqytý: úzdik praktika, trendter men strategiia» atty halyqaralyq konferentsiia ótkizgenimizdi de atap ótýdiń máni zor dep esepteimin.
Kásiptik-tehnikalyq bilim berý júiesin damytýda bizder ózge elderdiń ozyq tájiribelerin súzgiden ótkizip, olardy Qazaqstan jaǵdaiynda beiimdeýde biraq eńbektendik. Nátijesinde sheteldiń 400 oqý ádebietin aýdaryp, oǵan kópshiliktiń qoljetimdiligin arttyrýdyń sáti tústi.
Bizdiń taǵy bir jetistigimiz retinde elimizdegi 5 kolledjde «Esepteý tehnikasy jáne baǵarlamalyq qamtamasyz etý» mamandyǵy boiynsha qoldanbaly bakalavriattyń bilim berý baǵdarlamasy engizgenimizdi atap aitýǵa bolady. Sol siiaqty 34 kolledjge 30 qoldanbaly bakalavriattyń bilim berý baǵdarlamalaryn ázirleýge ádistemelik qoldaý kórsetip jatyrmyz.
Pedagogikalyq mamandyqtardyń bilim berý baǵdarlamalaryn jańartý boiynsha ROÁB jumys júrgizilýde. Kolledjderdiń «Mektepke deiingi tárbie jáne oqý», «Bastaýysh bilim» OÁB birge qoldanbaly bakalavriattyń bilim berý baǵdarlamalary ázirlendi.
Erekshe bilim berý qajettiligi bar tulǵalar úshin arnaiy oqý baǵdarlamalaryn jáne «Tiginshi» biliktiligi boiynsha (oilaý qabiletinde aqaýy bar tulǵalar úshin) arnaiy oqý baǵdarlamasynyń jobasyn ázirleý boiynsha ádistemelik usynymdar daiyndaldy. TjKB júiesine 2018-2022 jyldar aralyǵynda kóptildi bilimdi damytýdyń jol kartasy TjKBD ázirlenip, engiziledi.
Ekinshi, TjKB oqytý sapasyn arttyrýda «TjKB júiesiniń pedagogikalyq qyzmetkerleriniń jáne oǵan qatysty adamdardyń biliktiligin arttyrýdyń deńgeili modeliniń kontseptsiiasy» jobasy ázirlenip, QR BǴM usynyldy.
Oqytý baǵdarlamasynyń mazmunyna túzetý engizý úshin 2016 jyly kýrstyq oqytýdan ótken TjKB berý uiymdarynyń 780 basshysy men IPQ táýelsiz baǵalaý jáne qurastyrylǵan kásibi quzyrettilikterge saraptama júrgizip, shtattan tys 285 trenerler daiyndaldy.
Búginde TjKB berý uiymdarynyń bilim berý úrdisine innovatsiialyq bilim berý tehnologiialaryn engizýdiń de mańyzy zor. Bul másele boiynsha 7 óńirlik tájiribelik-seminar uiymdastyryldy. Aitalyq, «Joǵary bilikti mamandardy daiarlaýdaǵy óndiristik oqytý sheberleriniń orny men róli» atty respýblikalyq seminar-jinalysta kóptegen másele kóterip, mamandar TjKB qatysty kókeide júrgen oilaryn ortaǵa saldy. Osyndai igilikti jumystardyń arqasynda elimizde TjKB júiesin damytýǵa múddeli maqsatty toptary (TjKB berý uiymdarynyń basshylary, shtattan tys trenerler, ádiskerler, oqytýshylar, ÓO sheberleri) qurylyp, TjKB berý uiymdary qyzmetkerleriniń jelilik qaýymdastyǵy damyp keledi.
Úshinshi, TjKB tiimdiligi men mártebesin arttyrýǵa qatysty 30 kásiptik mamandyq boiynsha World Skills Kazakhstan 2017 jyldyń Ulttyq chempionaty uiymdastyryldy. Elimiz boiynsha baiqaýda top jarǵan jastarymyz Abý-Dabi men Krasnodar qalasynda ótken World Skills álemdik chempionatyna qatysyp, Qazaqstannyń namysyn qorǵady.
Osy rette World Skills halyqaralyq standarttary boiynsha 81 qazaqstandyq sarapshyny oqytý júrgizilgenin aita ketýimiz kerek. Sondai-aq, mektep oqýshylaryna kásiptik baǵdar berý boiynsha ádistemelik usynymdar ázirlenip, BǴM berildi.
Holdingtiń qazaqstandyq «Rost-Órleý» jáne Reseidiń óndiristik kolledjder assotsiatsiiasynyń arasyndaǵy qarym-qatynasy sheńberinde bilim berýdiń dýaldy modeli boiynsha jumystar júrgizip jatqan jaiymyz bar.
Baqyrshyq Shalqiia ken oryny úshin mamandardy daiarlaý boiynsha Eýropalyq qaita qurý jáne damý bankimen jumystarymyz jalǵasýda. Al «Knowledge Engineering» JShS-men birge «TjKB álemi» portalyn qurý jumystary júiel túrde júrip jatyr.
Pilottyq joba retinde elimizdiń tórt oblysta (Aqtóbe, Jambyl, Qaraǵandy, Qostanai) alǵash ret óńirlik deńgeide Týrin úrdisi boiynsha jumystardy bastap kettik.
Sonymen qatar «Agrarlyq kredittik korporatsiia» AQ jáne «Agrotehnologiialyq hab» KF birge agrarlyq mamandyqtar boiynsha oqý-ádistemelik quraldardy jańartý jáne agrarlyq ónim keshenindegi oqytýshylardyń biliktiligin arttyrý ortalyǵyn qurý baǵytynda da jumystar qyzý júrip jatyr. Osy rette sheteldik kompaniialarmen jáne uiymdarmen 4 memorandýmǵa qol qoiýdyń sáti tústi.
Tórtinshi, ekonomikanyń suranysqa ie jáne innovatsiialyq baǵyttary boiynsha TjKB aǵymdaǵy bilim berý uiymdaryn damytýda «APEC Petrotechnic» joǵary kolledj» JShS tájiribesin elimizdiń kolledjderine taratý basym baǵytqa ainalyp otyr. 2017 jyly APEC Petrotechnic Cambridge International Examinations halyqaralyq akkreditatsiiasyn jáne OPITO salalyq halyqaralyq akkreditatsiiasyna ie boldyq. APEC Petrotechnic aǵylshyn tilinde oqytylatyn arnaiy pánderdi oqytý tájiribesi jinaqtalyp, elimizdiń kolledjderine taratyldy. Osy rette «APEC Petrotechnic joǵary kolledj tájiribesin elimizdiń kolledjderine taratý» ǵylymi-praktikalyq konferentsiiasy júrgizildi.
Munai-gaz salasy úshin Halyqaralyq bilim berý habaryn APEC Petrotechnic bazasynda qurý boiynsha is-áreket josparlanýda. Sonymen qatar ekonomika salalary jáne World Skills quzyrettilikteri boiynsha óńirlerde quzyrettilikter ortalyǵyn qurý boiynsha jumystar bastaldy.
Daiyndyq baǵyttary boiynsha kolledjder reitingi qurylýda. Aldaǵy ýaqytta bazalyq kolledjderdi damytýda ádisnamalyq jáne keńestik qoldaý kórsetetin bolamyz.
Aldaǵy ýaqytta 4.0 Indýstriia boiynsha bilikti mamandardy daiarlaý boiynsha tehnikalyq jáne kásiptik, orta bilimnen keiingi bilim mazmunyn jańartý, IPQ biliktiligin arttyrýdyń jańa baǵdarlamalaryn ázirleý; «TjKB álemi» portalyn iske qosýdy qamtamasyz etý; World SkillsKazakhstan qozǵalysyn júieli damytý jáne tiimdi arttyrý jáne ártúrli jastaǵy jastardy tartý boiynsha jumystardy jalǵastyrý;
elimizdiń aldyńǵy qatardaǵy kolledjderin (quzyrettilikter ortalyǵy, bazalyq, seriktestik) damytýǵa qoldaý kórsetý; Halyqaralyq bilim berý haba retinde jáne TjKB júiesiniń «damý núktesi» retinde APEC Petrotechnic qyzmetiniń tiimdiligin damytý baǵytynda jumystardy jalǵastyratyn bolamyz.
Dýman Tanabasov
