Solardyń biri – Aman Tasyǵan (sýrette).
Atyshýly Zamirany suhbatqa shaqyryp, oǵan belden tómen suraqtar qoiyp tanymal bolǵan. «Jas Qazaqqa» suhbat bergen Aman aǵynan jarylǵan eken. Yqshamdap usynyp otyrmyz.
Meirambek týraly
Meirambek Besbaev jaiynda kez kelgen adam óziniń sanasyna keremet sýret salady. Ol ishpeidi, túzý júredi, ersi áreketi joq degen siiaqty.
Kúnderdiń bir kúninde onyń shynaiy bet beinesin kórgen kezde, kórermenniń sanasynda úlken bir tóńkeris bolady. Qabyldai almai qalady.
Mysaly Tóreǵali sonyń taiaǵyn jedi. Ómirde ol basqa adam. Al sahnada, kórermenniń kózinde múldem basqa bolyp qalyptasqan.
Shynaiy bet beinesin kórgen kezde áleýmettik jelidegiler qabyldai almady.
Biz ókinishke qarai, sen ekeýmiz otyrǵan ústeldiń tabiǵi aǵashtan jasalǵanyn qabyldai almaimyz. Ony ormannyń ishindegi kádimgi aǵash ekenin aitsa, «Óńdelgen, ádemi, basqasha ǵoi. Bul qalai jái ǵana aǵashtan jasalady» — dep senbei jatamyz. Ádemilikti, jasandylyqty qatty nasihattap jiberemiz. Osynyń kesirinen kei kezde shynaiy syrlasatyn adam tappai qalamyz. Jasandylyq jailap ketti.
«Qalaýlym» týraly
Sońǵy ýaqyttary Youtube jelisinde TalkLike jobasyn qolǵa aldym. Ol jerde belden tómen áńgime jii aitylady.
Bul strategiialyq, maqsatty túrde jasalyp otyrǵan qadam.
Meniń belden tómen suraq qoiatyn suhbatymnyń ózindik syry bar. Osy jerde «Qalaýlym» baǵdarlamasyna qatysty bir ǵana nárse aita alamyn. Onyń dál osyndai reitingke ie bolýyna telearna basshylary tikelei kináli. Sebebi, 2000 jyldary siz ekeýmiz bala bolyp júrgende jastardyń ózi qatysa alatyn, oiyn aita alatyn kóptegen baǵdarlama boldy. Atap aitar bolsam, «Myń bir maqal», «XXI ǵasyr kóshbasshysy», «Azamat» pikirtalas klýby, «Altyn saqa» intellektýaldyq oiyny. Al qazir she?
Jastarǵa arnalǵan «Qalaýlymnan» basqa qandai baǵdarlama bar?
Qalaýlymnyń dál osylai kórermenniń qyzyǵýshylyǵyna ilikkendiginiń birinshi máselesi – osy.
Zamira jaiynda
Internettegi jobam – TalkLike dep atalady. Men suhbatymdy Qabdesh aǵadan bastasam bolar edi. Ǵajap suraq qoiyp, keremet, kórkem jaýap alar edim. Desek te ony az adam kóretin bolady. Óitkeni qazirgi kórermenniń qalaýy basqa. Osydan eki kún buryn Tuńǵyshbai aǵanyń suhbaty shyqty.
Biraq baǵdarlamany Zamiradan bastamaǵanda ony eshkim kórmeitin edi.
Sanaly túrde qurbandyqqa bardym.
«Belden tómen suraq qoiýdan basqany bilmediń be?» deidi jelidegi jurt.
Keshirińiz, sonda siz Zamiraǵa budan ózge qandai suraq qoiasyz?
Saiasi-ekonomikalyq mańyzy bar suraq qoiasyz ba?
Mysaly men óner maitalmandaryna, Tuńǵyshbai aǵaǵa dál sondai belden tómen suraq qoisam, ol kezde meni tabanǵa salyp, taptaýǵa da bolady. Biraq men olai jasap jatqanym joq.
Saýatty dúnie jasaǵyń keledi. Dese de ony qoǵam qabyldamaityn bolyp ketti. Jurtqa «Nege Zamiramen suhbattastyń?» degen qyzyq bolyp tur.
https://youtu.be/srb1rXO_kb8
