سولاردىڭ ءبىرى – امان تاسىعان (سۋرەتتە).
اتىشۋلى زاميرانى سۇحباتقا شاقىرىپ، وعان بەلدەن تومەن سۇراقتار قويىپ تانىمال بولعان. «جاس قازاققا» سۇحبات بەرگەن امان اعىنان جارىلعان ەكەن. ىقشامداپ ۇسىنىپ وتىرمىز.
مەيرامبەك تۋرالى
مەيرامبەك بەسبايەۆ جايىندا كەز كەلگەن ادام ءوزىنىڭ ساناسىنا كەرەمەت سۋرەت سالادى. ول ىشپەيدى، ءتۇزۋ جۇرەدى، ەرسى ارەكەتى جوق دەگەن سياقتى.
كۇندەردىڭ ءبىر كۇنىندە ونىڭ شىنايى بەت بەينەسىن كورگەن كەزدە، كورەرمەننىڭ ساناسىندا ۇلكەن ءبىر توڭكەرىس بولادى. قابىلداي الماي قالادى.
مىسالى تورەعالي سونىڭ تاياعىن جەدى. ومىردە ول باسقا ادام. ال ساحنادا، كورەرمەننىڭ كوزىندە مۇلدەم باسقا بولىپ قالىپتاسقان.
شىنايى بەت بەينەسىن كورگەن كەزدە الەۋمەتتىك جەلىدەگىلەر قابىلداي المادى.
ءبىز وكىنىشكە قاراي، سەن ەكەۋمىز وتىرعان ۇستەلدىڭ تابيعي اعاشتان جاسالعانىن قابىلداي المايمىز. ونى ورماننىڭ ىشىندەگى كادىمگى اعاش ەكەنىن ايتسا، «وڭدەلگەن، ادەمى، باسقاشا عوي. بۇل قالاي ءجاي عانا اعاشتان جاسالادى» — دەپ سەنبەي جاتامىز. ادەمىلىكتى، جاساندىلىقتى قاتتى ناسيحاتتاپ جىبەرەمىز. وسىنىڭ كەسىرىنەن كەي كەزدە شىنايى سىرلاساتىن ادام تاپپاي قالامىز. جاساندىلىق جايلاپ كەتتى.
«قالاۋلىم» تۋرالى
سوڭعى ۋاقىتتارى Youtube جەلىسىندە TalkLike جوباسىن قولعا الدىم. ول جەردە بەلدەن تومەن اڭگىمە ءجيى ايتىلادى.
بۇل ستراتەگيالىق، ماقساتتى تۇردە جاسالىپ وتىرعان قادام.
مەنىڭ بەلدەن تومەن سۇراق قوياتىن سۇحباتىمنىڭ وزىندىك سىرى بار. وسى جەردە «قالاۋلىم» باعدارلاماسىنا قاتىستى ءبىر عانا نارسە ايتا الامىن. ونىڭ ءدال وسىنداي رەيتينگكە يە بولۋىنا تەلەارنا باسشىلارى تىكەلەي كىنالى. سەبەبى، 2000 جىلدارى ءسىز ەكەۋمىز بالا بولىپ جۇرگەندە جاستاردىڭ ءوزى قاتىسا الاتىن، ويىن ايتا الاتىن كوپتەگەن باعدارلاما بولدى. اتاپ ايتار بولسام، «مىڭ ءبىر ماقال»، «XXI عاسىر كوشباسشىسى»، «ازامات» پىكىرتالاس كلۋبى، «التىن ساقا» ينتەللەكتۋالدىق ويىنى. ال ءقازىر شە؟
جاستارعا ارنالعان «قالاۋلىمنان» باسقا قانداي باعدارلاما بار؟
قالاۋلىمنىڭ ءدال وسىلاي كورەرمەننىڭ قىزىعۋشىلىعىنا ىلىككەندىگىنىڭ ءبىرىنشى ماسەلەسى – وسى.
زاميرا جايىندا
ينتەرنەتتەگى جوبام – TalkLike دەپ اتالادى. مەن سۇحباتىمدى قابدەش اعادان باستاسام بولار ەدى. عاجاپ سۇراق قويىپ، كەرەمەت، كوركەم جاۋاپ الار ەدىم. دەسەك تە ونى از ادام كورەتىن بولادى. ويتكەنى قازىرگى كورەرمەننىڭ قالاۋى باسقا. وسىدان ەكى كۇن بۇرىن تۇڭعىشباي اعانىڭ سۇحباتى شىقتى.
ءبىراق باعدارلامانى زاميرادان باستاماعاندا ونى ەشكىم كورمەيتىن ەدى.
سانالى تۇردە قۇرباندىققا باردىم.
«بەلدەن تومەن سۇراق قويۋدان باسقانى بىلمەدىڭ بە؟» دەيدى جەلىدەگى جۇرت.
كەشىرىڭىز، سوندا ءسىز زاميراعا بۇدان وزگە قانداي سۇراق قوياسىز؟
ساياسي-ەكونوميكالىق ماڭىزى بار سۇراق قوياسىز با؟
مىسالى مەن ونەر مايتالماندارىنا، تۇڭعىشباي اعاعا ءدال سونداي بەلدەن تومەن سۇراق قويسام، ول كەزدە مەنى تابانعا سالىپ، تاپتاۋعا دا بولادى. ءبىراق مەن ولاي جاساپ جاتقانىم جوق.
ساۋاتتى دۇنيە جاساعىڭ كەلەدى. دەسە دە ونى قوعام قابىلدامايتىن بولىپ كەتتى. جۇرتقا «نەگە زاميرامەن سۇحباتتاستىڭ؟» دەگەن قىزىق بولىپ تۇر.
https://youtu.be/srb1rXO_kb8
