Juma kúni, 11 shildede Astanada Qazaqstan Respýblikasy Kásipodaqtar federatsiiasynyń XXVII sezi ótti. Elimizdiń ár óńiri men salasyn qamtyǵan 300-ge jýyq delegat qatysqan bul alqaly jiynǵa áleýmettik áriptester men sheteldik uiymdardyń ókilderi de jinaldy,- dep habarlaidy Dalanews.kz
Sezdiń negizgi qujattary retinde Qazaqstan kásipodaqtarynyń 2030 jylǵa deiingi qyzmet strategiiasy men Memleket basshysy Qasym-Jomart Toqaevtyń reformalaryn qoldaý týraly saiasi Qarar qabyldandy. Qujatta kásipodaq qozǵalysyn damytýǵa basymdyq berilip, Prezidenttiń eldi jańǵyrtýǵa baǵyttalǵan bastamalaryna aiqyn qoldaý bildirildi.
«Kásiptik odaqtar – qazaqstandyq qoǵamnyń ajyramas bóligi, olardyń qyzmetiniń negizgi qaǵidattary – árqashan jáne árdaiym eńbekkerlerdiń quqyqtary men múddelerin qorǵaý bolyp tabylady. Eńbek adamy – qoǵamymyzdyń basty qundylyǵy.
Biz Qazaqstan Respýblikasynyń Prezidenti Qasym-Jomart Toqaevtyń eldi túbegeili jańǵyrtýǵa, saiasi reformalar men áleýmettik-ekonomikalyq ózgeristerge baǵyttalǵan strategiialyq baǵytyn qoldaimyz», – delingen Qararda.
Qujatta «Halyq únine qulaq asatyn memleket» tujyrymdamasyn júzege asyrýda kásipodaqtardyń bilik pen qoǵam arasyndaǵy turaqty ózara árekettestikti ilgeriletýge, ashyqtyq qaǵidattaryn jáne «keri bailanys» arnalarynyń damýyna qosyp jatqan úlesi erekshe atap ótilgen.
Sezd delegattary Memleket basshysynyń 2025 jyldy Jumysshy mamandyqtar jyly dep jariialaý bastamasyn zor yqylaspen qoldady. Bul sheshim – jumysshy mamandyqtarynyń mártebesin kóterýge, eńbekqorlyq pen kásibilik ideiasyn ilgeriletýge, eńbek adamynyń qoǵamdaǵy bedelin arttyrýǵa baǵyttalǵan mańyzdy qadam.
Sondai-aq kásipodaqtar «Taza Qazaqstan» strategiiasynyń qundylyqtaryn qoldaityny, ony ártúrli salalarda ekologiialyq mádenietti qalyptastyrýǵa baǵyttalǵan ideialaryn birizdi túrde iske asyrýǵa daiyn ekenin bildirdi.
Sezd delegattary Prezident jariia etken áleýmettik bastamalar azamattardyń ómir sapasyn arttyryp, adami kapitaldy damytýǵa jol ashatynyna senim bildirdi. Qatysýshylar Qazaqstan memleketiniń eńbek salasynda laiyqty eńbek qaǵidattaryn engizip, ulttyq zańnamany jetildirý arqyly halyqaralyq standarttarǵa sai bolýǵa umtylyp kele jatqany erekshe ataldy.
Sezdiń basty úndeýi – «Ózgerister dáýirindegi ádil eńbek: qorǵaý, damý, innovatsiialar» Memleket basshysynyń ádilettilikti qamtamasyz etý jáne «Ádiletti Qazaqstan» qaǵidatyn iske asyrý týraly negizgi tujyrymymen úndes ekeni aityldy.
Sonymen qatar áleýmettik-eńbek qatynastarynda «Zań men tártip» qaǵidasyn saqtaý, Memleket basshysy qoiǵan mindetterdi júzege asyrýda barlyq taraptardyń ózara dialogy men áriptestigin arttyrý qajettigi de atap ótildi.
Sezdiń aiasynda Qazaqstan Respýblikasy Kásipodaqtar federatsiiasy Bas keńesiniń sońǵy bes jyldaǵy qyzmetiniń esebi tyńdaldy. Esepti QR Kásipodaqtar federatsiia tóraǵasy Satybaldy Dáýletalin baiandady. Qujatta kásipodaq qozǵalysynyń damýy men eńbek adamdaryn qorǵaýdaǵy mańyzdy róli naqty kórsetilgen.
Sezdiń taǵy bir mańyzdy sheshimi — Qazaqstan Respýblikasy Kásipodaqtar federatsiiasy tóraǵasyn sailaý boldy. Ashyq daýys berý nátijesinde Satybaldy Dáýletalin biraýyzdan kelesi bes jylǵa tóraǵa bolyp qaita sailandy.
Sezdiń qurmetti qonaqtary qatarynda Halyqaralyq eńbek uiymynyń Eńbekkerler qyzmeti jónindegi biýro direktory Mariia Helena Andre, Halyqaralyq kásipodaqtar konfederatsiiasynyń Bas hatshysy Liýk Triangl, HKK Búkileýropalyq aimaqtyq keńesiniń (BEAK) Bas hatshysy Ester Linch, HKK BEAK Prezidenti Igor Zýbký, sondai-aq Grýziia, Ózbekstan, Ázerbaijan, Japoniia, Polsha jáne basqa da elderdiń ulttyq kásipodaq ortalyqtarynyń basshylary boldy.
Búginde Federatsiia 2 millionnan astam músheni biriktirip otyr. Onyń quramyna 16,5 myń bastaýysh kásipodaq uiymy, 18 óńirlik birlestik jáne 24 salalyq kásipodaq kiredi. Qazaqstan kásipodaqtary halyqaralyq deńgeide de belsendi jumys istep keledi. Olar – Halyqaralyq kásipodaqtar konfederatsiiasynyń múshesi jáne Ortalyq Aziia elderiniń kásipodaqtar keńesi men Túrki memleketteriniń kásipodaqtar uiymyn qurý bastamasyn alǵash kótergen qurylymdardyń biri.
QR Kásipodaqtar federatsiiasynyń media ortalyǵy
