Atyraý oblysynda musylman zirattaryndaǵy qorlaý deregine qatysty tergeýdiń alǵashqy nátijeleri belgili boldy, dep habarlaidy Dalanews.kz.
"Aq Jaiyq" basylymynyń málimetinshe, politsiia kúdikti tulǵalardy anyqtap, olardy bólimshege jetkizip, qajetti tergeý amaldaryn júrgizýde. Qazirgi ýaqytta mamandar jasóspirimderdiń mundai áreketke ne sebepti barǵanyn anyqtap jatyr.
Oblystyq Politsiia departamentiniń málimetinshe, quqyq buzýshylyqqa kámeletke tolmaǵan úsh jasóspirim qatysqan. Olardan zańdy ókilderiniń qatysýymen túsinikteme alynýda.
Belgili bolǵandai, jasóspirimderdi ishki ister organdarynyń esebine qoiý josparlanyp otyr. Materialdar jasóspirimder isi jónindegi komissiiaǵa joldanady, al ata-analary balalaryn durys tárbielemegeni úshin jaýapkershilikke tartylmaq.
Eske salsaq, buǵan deiin Erkinqala aýylyndaǵy musylman ziratynda qabirlerdi qorlaý faktisi anyqtalyp, tekserý bastalǵan edi.
