Jalǵan diplom jasap satatyn 20 sait áshkerelendi, dep habarlaidy Dalanews.kz.
Qazirge deiin 46 jalǵan diplom men olardy zańsyz rásimdeýmen ainalysqan 20 internet-resýrs anyqtaldy. Tiisti materialdardyń barlyǵy quzyrly organdarǵa jiberildi, dep habarlady Ǵylym ministrligi.
Vedomstvonyń málimetinshe, 1991 jyldan beri berilgen diplomdardy qamtityn derekter bazasy jasaqtalǵan. Diplomdar arnaiy modýl arqyly biregei nómir men QR-kod berý arqyly tirkeledi.
«Eger bilim alýshy týraly málimet «Joǵary bilim berýdiń biryńǵai platformasynda» tirkelmese, oǵan diplom nómirin qalyptastyrý múmkin emes. Belgilengen úlgidegi qujatta generatsiialanǵan biregei nómir men QR-kod bolmasa, ondai diplom jaramsyz dep esepteledi», – delingen ministrlik habarlamasynda.
