جالعان ديپلوم جاساپ ساتاتىن 20 سايت اشكەرەلەندى، دەپ حابارلايدى Dalanews.kz.
قازىرگە دەيىن 46 جالعان ديپلوم مەن ولاردى زاڭسىز راسىمدەۋمەن اينالىسقان 20 ينتەرنەت-رەسۋرس انىقتالدى. ءتيىستى ماتەريالداردىڭ بارلىعى قۇزىرلى ورگاندارعا جىبەرىلدى، دەپ حابارلادى عىلىم مينيسترلىگى.
ۆەدومستۆونىڭ مالىمەتىنشە، 1991 جىلدان بەرى بەرىلگەن ديپلومداردى قامتيتىن دەرەكتەر بازاسى جاساقتالعان. ديپلومدار ارنايى مودۋل ارقىلى بىرەگەي ءنومىر مەن QR-كود بەرۋ ارقىلى تىركەلەدى.
«ەگەر ءبىلىم الۋشى تۋرالى مالىمەت «جوعارى ءبىلىم بەرۋدىڭ ءبىرىڭعاي پلاتفورماسىندا» تىركەلمەسە، وعان ديپلوم ءنومىرىن قالىپتاستىرۋ مۇمكىن ەمەس. بەلگىلەنگەن ۇلگىدەگى قۇجاتتا گەنەراسيالانعان بىرەگەي ءنومىر مەن QR-كود بولماسا، ونداي ديپلوم جارامسىز دەپ ەسەپتەلەدى»، – دەلىنگەن مينيسترلىك حابارلاماسىندا.
