Qazaqstanda turǵyn úı naryǵyndaǵy belsendilik kúrt baıaýlady. 2025 jylǵy maýsym aıynda turǵyn úıdi satyp alý-satý boıynsha tirkelgen mámiler sany 33 273 qurap, mamyr aıymen salystyrǵanda 2,1%-ǵa azaıdy. Biraq soǵan qaramastan baǵa tómender emes, kerisinshe qymbattaý qubylysy baıqalady, dep habarlaıdy Dalanews.kz.
Ulttyq statısıka búrosy usynǵan málimetke sáıkes, maýsym aıynda kóppáterli úılerdegi páterler boıynsha jasalǵan mámile 3,1%-ǵa (25 429) azaıyp, al jeke úıler boıynsha jasalǵan mámile (7 844) 1,3%-ǵa ósken.
Mámileler sany boıynsha Almaty (6 628 – 19,9%) jáne Astana (6 072 – 18,2%) qalalary, sonymen qatar, Qaraǵandy oblysy (2 392 – 7,2%) kósh bastap tur. Mámileler sany Ulytaý oblysynda eń azy – 282 (0,8%).
2025 jyldyń mamyrymen salystyrǵanda maýsymda mámililir sanynyń eń kóp ósimi Atyraý (+23,2%), Qostanaı (+7,1%) oblystarynda jáne Shymkent (+6%) qalasynda tirkeldi. Al bir aıdaǵy eń kóp tómendeý Pavlodar (-12,1%), Qyzylorda (-12%) jáne Batys Qazaqstan (-10%) oblystarynda oryn aldy.
2025 jyldyń mamyrymen salystyrǵanda, kóppáterli úılerdegi turǵyn úı mámileler sany 3,1% (812 mámilege) azaıdy. 2025 jyldyń maýsym aıynda páterler boıynsha barlyǵy 25 429 mámile jasaldy, bul mámilelerdiń jalpy sanynyń 76,4%-y. Kóppáterli úılerdegi turǵyn úı saýdasynyń negizgi úlesi Almaty (24%), Astana (23,4%) qalalaryna jáne Qaraǵandy oblysyna (7,7%) tıesili. Bólmeler sany boıynsha 1-bólmeli páterler satylymy basym boldy, 2025 jyldyń maýsym aıynda olar boıynsha 9 917 mámile resimdelgen.
2025 jyldyń mamyr aıymen salystyrǵanda maýsymda jeke turǵyn úıler boıynsha mámileler sany 1,3% (99 mámilege) ósti. Maýsymda barlyǵy 7 844 mámile tirkelgen. Jeke turǵyn úıler boıynsha mámileler sanynyń eń kóp ósimi Pavlodar (+20,1%), Jetisý (+19,4%) jáne Aqtóbe (+13,2%) oblystarynda baıqaldy.
2025 jylǵy maýsymda turǵyn úıdi satyp alý-satý mámileleri aldyńǵy jyldyń tıisti aıymen salystyrǵanda 1% kóbeıgen, ol kezde 32 943 mámile resimdelgen bolatyn. Mámileler sanynyń eń joǵarǵy ósimi Astana (26,2%) qalasynda baıqalady, eń úlken tómendeý – Batys Qazaqstan oblysynda (-43,5%). 2025 jyldyń qańtar-maýsym aılaryndaǵy mámileler sanyn 2024 jylǵy qańtar-maýsym aılaryndaǵy mámileler sanymen salystyrǵanda 4,3% ósim baıqalady.
"Bir jylda (2025 jylǵy maýsym 2024 jylǵy maýsymǵa) jańa turǵyn úılerdi satý – 9,5%, qaıtalama naryqta páterlerdi qaıta satý baǵalary 6,7% joǵarylady. Abattandyrylǵan turǵyn úıdi jalǵa alý tólemi 9,4% joǵarylady. Bir aıdyń ishinde (2025 jylǵy maýsym 2025 jylǵy mamyrǵa) jańa turǵyn úıdi sadasyndaǵy baǵa 1,1%, ekinshi naryqtaǵy páterler baǵasy 0,9%-ǵa ósti. Abattandyrylǵan turǵyn úıdi jalǵa alý tólemi 0,3% qymbattady", delingen búro málimetinde.
