قازاقستاندا تۇرعىن ءۇي نارىعىنداعى بەلسەندىلىك كۇرت باياۋلادى. 2025 جىلعى ماۋسىم ايىندا تۇرعىن ءۇيدى ساتىپ الۋ-ساتۋ بويىنشا تىركەلگەن مامىلەر سانى 33 273 قۇراپ، مامىر ايىمەن سالىستىرعاندا 2،1%-عا ازايدى. ءبىراق سوعان قاراماستان باعا تومەندەر ەمەس، كەرىسىنشە قىمباتتاۋ قۇبىلىسى بايقالادى، دەپ حابارلايدى Dalanews.kz.
ۇلتتىق ستاتيستيكا بيۋروسى ۇسىنعان مالىمەتكە سايكەس، ماۋسىم ايىندا كوپپاتەرلى ۇيلەردەگى پاتەرلەر بويىنشا جاسالعان مامىلە 3،1%-عا (25 429) ازايىپ، ال جەكە ۇيلەر بويىنشا جاسالعان مامىلە (7 844) 1،3%-عا وسكەن.
مامىلەلەر سانى بويىنشا الماتى (6 628 – 19،9%) جانە استانا (6 072 – 18،2%) قالالارى، سونىمەن قاتار، قاراعاندى وبلىسى (2 392 – 7،2%) كوش باستاپ تۇر. مامىلەلەر سانى ۇلىتاۋ وبلىسىندا ەڭ ازى – 282 (0،8%).
2025 جىلدىڭ مامىرىمەن سالىستىرعاندا ماۋسىمدا ءمامىلىلىر سانىنىڭ ەڭ كوپ ءوسىمى اتىراۋ (+23،2%)، قوستاناي (+7،1%) وبلىستارىندا جانە شىمكەنت (+6%) قالاسىندا تىركەلدى. ال ءبىر ايداعى ەڭ كوپ تومەندەۋ پاۆلودار (-12،1%)، قىزىلوردا (-12%) جانە باتىس قازاقستان (-10%) وبلىستارىندا ورىن الدى.
2025 جىلدىڭ مامىرىمەن سالىستىرعاندا، كوپپاتەرلى ۇيلەردەگى تۇرعىن ءۇي مامىلەلەر سانى 3،1% (812 مامىلەگە) ازايدى. 2025 جىلدىڭ ماۋسىم ايىندا پاتەرلەر بويىنشا بارلىعى 25 429 مامىلە جاسالدى، بۇل مامىلەلەردىڭ جالپى سانىنىڭ 76،4%-ى. كوپپاتەرلى ۇيلەردەگى تۇرعىن ءۇي ساۋداسىنىڭ نەگىزگى ۇلەسى الماتى (24%)، استانا (23،4%) قالالارىنا جانە قاراعاندى وبلىسىنا (7،7%) تيەسىلى. بولمەلەر سانى بويىنشا 1-بولمەلى پاتەرلەر ساتىلىمى باسىم بولدى، 2025 جىلدىڭ ماۋسىم ايىندا ولار بويىنشا 9 917 مامىلە رەسىمدەلگەن.
2025 جىلدىڭ مامىر ايىمەن سالىستىرعاندا ماۋسىمدا جەكە تۇرعىن ۇيلەر بويىنشا مامىلەلەر سانى 1،3% (99 مامىلەگە) ءوستى. ماۋسىمدا بارلىعى 7 844 مامىلە تىركەلگەن. جەكە تۇرعىن ۇيلەر بويىنشا مامىلەلەر سانىنىڭ ەڭ كوپ ءوسىمى پاۆلودار (+20،1%)، جەتىسۋ (+19،4%) جانە اقتوبە (+13،2%) وبلىستارىندا بايقالدى.
2025 جىلعى ماۋسىمدا تۇرعىن ءۇيدى ساتىپ الۋ-ساتۋ مامىلەلەرى الدىڭعى جىلدىڭ ءتيىستى ايىمەن سالىستىرعاندا 1% كوبەيگەن، ول كەزدە 32 943 مامىلە رەسىمدەلگەن بولاتىن. مامىلەلەر سانىنىڭ ەڭ جوعارعى ءوسىمى استانا (26،2%) قالاسىندا بايقالادى، ەڭ ۇلكەن تومەندەۋ – باتىس قازاقستان وبلىسىندا (-43،5%). 2025 جىلدىڭ قاڭتار-ماۋسىم ايلارىنداعى مامىلەلەر سانىن 2024 جىلعى قاڭتار-ماۋسىم ايلارىنداعى مامىلەلەر سانىمەن سالىستىرعاندا 4،3% ءوسىم بايقالادى.
"ءبىر جىلدا (2025 جىلعى ماۋسىم 2024 جىلعى ماۋسىمعا) جاڭا تۇرعىن ۇيلەردى ساتۋ – 9،5%، قايتالاما نارىقتا پاتەرلەردى قايتا ساتۋ باعالارى 6،7% جوعارىلادى. اباتتاندىرىلعان تۇرعىن ءۇيدى جالعا الۋ تولەمى 9،4% جوعارىلادى. ءبىر ايدىڭ ىشىندە (2025 جىلعى ماۋسىم 2025 جىلعى مامىرعا) جاڭا تۇرعىن ءۇيدى ساداسىنداعى باعا 1،1%، ەكىنشى نارىقتاعى پاتەرلەر باعاسى 0،9%-عا ءوستى. اباتتاندىرىلعان تۇرعىن ءۇيدى جالعا الۋ تولەمى 0،3% قىمباتتادى"، دەلىنگەن بيۋرو مالىمەتىندە.
