Óskemenniń ortalyǵynda ústi qanǵa boialǵan, jartylai jalańash er adam qolyna pyshaq ustap júgirip júrgen, dep habarlaidy Dalanews.kz.
Ol eshkimdi janyna jolatpai, aiqailap qorqyta bergen. Kýágerler aralaspai, dereý politsiiaǵa habarlasqan. Alaida tártip saqshylary jetkende er adam pyshaq kórsetip, ózine taqap, qatty aiqailaǵan.
Politseiler ony biraz ýaqyttan keiin sabasyna túsirgen. ShQO Politsiia departamenti málimetinshe, 25 jastaǵy qala turǵyny qatty mas bolǵany anyqtalǵan.
"Aldyn ala derek boiynsha, denesindegi jaraqatty ózi salǵan. Pyshaqty aldyq, ol meditsina qyzmetkerlerine tapsyryldy. Oqiǵanyń mán-jaiy tekserilip jatyr", dedi ShQO politsiiasynyń baspasóz qyzmeti ókili.
