Memleket basshysynyń Alakól jaǵalaýyndaǵy týristik infraqurylymǵa qatysty synynan keiin oblys ákiminiń tapsyrmasymen onyń orynbasary Serik Týlenbergenov aýdan basshylyǵynyń jáne jaýapty memlekettik mekemelerdiń qatysýymen kól basynda shuǵyl jiyn ótkizdi. Onda demalýshylarǵa qolaily jaǵdai jasaý, sanitarlyq tazalyq pen qaýipsizdik máseleleri keńinen talqylandy,- dep habarlaidy Dalanews.kz
Kól jaǵasyna quqyq qorǵaý organdarymen birge reid júrgizip, tártiptik sharalardy kúsheitedi. Sonyń ishinde motorly qaiyq ieleriniń qyzmet kórsetýleri qatań tekseriledi. Tazalyq máselesi qarastyrylyp, qoqys tastaǵan saýda oryndary men demalys úilerine aiyppul salynady.
Alakóldiń Abai oblysyndaǵy jaǵalaýyna biyl erekshe kóńil bólinip jatyr. Buǵan deiin naýryz aiynan bastap, oblys ákimi Berik Ýáli týristik orynǵa 3 ret baryp, kóshpeli jiyndar ótkizgen. Alakól jaǵalaýyna 2018 jyldan beri jóndeý jumystary júrgizilmegen. Osyny eskere otyryp, oblystyq biýdjetten 658 million teńge qarjy bólindi. Bólingen qarjydan Arbat alańyn jóndeýge 108,9 mln tg, jańa qoǵamdyq keńistik qurýǵa 171,6 mln tg, jaǵalaýdy abattandyrýǵa 107,5 mln tg baǵyttaldy. 25 kiim aýystyratyn oryn, 50 konteiner, 2 biotýalet ornatyldy. 7 pirstiń 3-eýi ornatylyp, qutqarý munaralary men jaǵajaidy jaryqtandyrý jumystary júrgizildi.
Sonymen qatar jaǵalaýda qutqarý stantsiiasynyń qurylysy bastaldy. Atalǵan stantsiia Alakól aýmaǵynda tótenshe jaǵdailardyń aldyn alý, saldaryn joiý, alǵashqy meditsinalyq kómek kórsetýge múmkindik jasaý, adam ómirin saqtaý men jalpy qaýipsizdik deńgeiin arttyrýǵa baǵyttalǵan. Sondai-aq, Qabanbai aýylynda órt sóndirý deposy salynýda. Eki órt sóndirý avtokóligine arnalǵan beket Alakól mańy men aýmaǵyndaǵy órt qaýipsizdigin qamtamasyz etýge arnalǵan.
Tazalyq saqtaý jáne turmystyq qaldyqtardy shyǵarý
Bul baǵytta qosymsha 100 qoqys konteineri men 75 ýrna ornatylǵan. Búginde jalpy 110 konteiner bar. Arbat aýmaǵynda tazalyq jumystary ár 30 minýt saiyn, al jaǵalaýda kúnine úsh ret júrgiziledi. Qaldyqtardy óńdeýge arnalǵan poligon qurylysyna jobalyq-smetalyq qujattama ázirlenip jatyr.
Ájethanalar men sanitarlyq toraptar
Biyl jaǵalaýdaǵy sanitarlyq toraptar sany 8-den 18-ge deiin kóbeitiledi. Qazirdiń ózinde 10-y ornatyldy.
Elektr energiiasy tapshylyǵyn sheshý
Jańa «Alakol» qosalqy stansasy men joǵary kerneýli jeliler qurylysyna jobalar daiyndaldy. Qurylys jumystary 2026 jyldyń qazan aiynda aiaqtalady.
Qaýipsizdik máselesi
Qutqarýshylar men instrýktorlar kúndelikti kezekshilik júrgizedi. 5 qutqarý munarasy, 6 adamnan turatyn arnaiy top jumys istep tur. Tótenshe jaǵdailar ministrligi jáne kólik inspektsiiasy jaǵajai aimaǵynda sý kólikterine turaqty reidter júrgizip jatyr. Qazirdiń ózinde 30 sý kóligi tekserilip, 12 ákimshilik hattama toltyrylǵan.
Kásipkerlermen jumys
Aqyly qyzmet kórsetetin kásip ielerimen (kater, shezlong, ashana, demalys bazalary jáne t.b.) salyqtyq mindettemeler men kassalyq apparat qoldaný boiynsha túsindirý jumystary júrgizildi.
Abai oblysynyń ákimdigi Prezident tapsyrmasyna sáikes barlyq sharalardy jedel qolǵa alyp, Alakól jaǵalaýyndaǵy ahýaldy jaqsartý boiynsha keshendi jumystardy jalǵastyra beredi.
