Almatyda jeke sot oryndaýshysy óndirip alýshylarǵa tiesili aqshany zańsyz iemdengeni úshin sottaldy, dep habarlaidy Dalanews.kz.
Ol óndirip alynǵan qarajatty iemdengeni jáne asa iri kólemde alaiaqtyq jasaǵany úshin sottaldy.
"Kúdikti qyzmet babyn paidalana otyryp, óndirip alýshylarǵa tiesili 370 million teńgeden asa qarjyny iemdenip alǵany, sondai-aq, Range Rover kóligin zańsyz iemdenip, 19 million teńgeden astam shyǵyn keltirgeni anyqtaldy", - dep jazylǵan habarlamada.
Almaly aýdandyq sotynyń úkimimen ol qylmystyq jolmen tapqan múlki tárkilenip, 8 jylǵa bas bostandyǵynan jáne sot oryndaýshysy qyzmetimen ainalysý quqyǵynan aiyryldy.
Úkim zańdy kúshine engen joq.
