الماتىدا جەكە سوت ورىنداۋشىسى ءوندىرىپ الۋشىلارعا تيەسىلى اقشانى زاڭسىز يەمدەنگەنى ءۇشىن سوتتالدى، دەپ حابارلايدى Dalanews.kz.
ول ءوندىرىپ الىنعان قاراجاتتى يەمدەنگەنى جانە اسا ءىرى كولەمدە الاياقتىق جاساعانى ءۇشىن سوتتالدى.
"كۇدىكتى قىزمەت بابىن پايدالانا وتىرىپ، ءوندىرىپ الۋشىلارعا تيەسىلى 370 ميلليون تەڭگەدەن اسا قارجىنى يەمدەنىپ العانى، سونداي-اق، Range Rover كولىگىن زاڭسىز يەمدەنىپ، 19 ميلليون تەڭگەدەن استام شىعىن كەلتىرگەنى انىقتالدى"، - دەپ جازىلعان حابارلامادا.
المالى اۋداندىق سوتىنىڭ ۇكىمىمەن ول قىلمىستىق جولمەن تاپقان مۇلكى تاركىلەنىپ، 8 جىلعا باس بوستاندىعىنان جانە سوت ورىنداۋشىسى قىزمەتىمەن اينالىسۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.
