Dimash Qudaibergen álemdik mýzyka salasyndaǵy aitýly joba Grammy Global Spin-ge qatysty, dep habarlaidy Dalanews.kz.
4 jeltoqsanda «Grammy» syilyǵynyń resmi saitynda jáne onyń YouTube arnasynda Dimash Qudaibergenniń óz avtorlyq týyndysy — «Fire» kompozitsiiasyn oryndaǵan jańa beinejazbasy jariialandy.
Qazan aiynda Niý-Iorktegi áigili Madison Square Garden sahnasynda qazaq ónerin joǵary deńgeide tanystyryp, zor jetistikke jetkennen keiin, ánshi Amerikanyń bedeldi mýzykalyq alańdarynyń biri Grammy.com jáne Ulttyq dybys jazý óneri men ǵylymdary akademiiasymen shyǵarmashylyq seriktestik ornatqan.
2021 jyldyń qyrkúieginde iske qosylǵan Global Spin jobasy álemniń ár túkpirindegi ártisterdi qoldaýǵa arnalǵan. Bul jobaǵa K-pop juldyzdary, nigeriialyq hip-hop ókilderi, shotland folk baǵytynyń mýzykanttary jáne basqa da halyqaralyq deńgeidegi oryndaýshylar qatysqan. Jobanyń ár shyǵarylymy belgili bir ártis pen onyń eliniń mádenietin tanystyratyn ekskliýzivti tikelei oryndaýdan turady.
Dybys jazý Akademiiasy AQSh-taǵy oryndaýshylardyń, kompozitorlardyń, prodiýserlerdiń, dybys mamandarynyń quqyǵyn qorǵaýmen qatar, álemdegi eń bedeldi marapat — «Grammy» syilyǵyn uiymdastyrady.
Mundai uiymnyń qoldaýy — álemdik sahnada týǵan eliniń mádenietin tanytyp júrgen ártis úshin asa mańyzdy jetistik.
