Osy oraıda bizdiń ýnıversıtetimizde bilim alǵan túlekterimizdiń básekege qabiletti maman bolyp qalyptasýy jolynda aıanbaı eńbek etip keledi. Degenmen de, búgingi tańda tek stýdentterge sapaly bilim berip qana qoımaı, pedagogıkalyq kadrlarymyzdyń baı áleýetin elimiz ben shetelderde keńinen nasıhattaý úshin Kásiptik baǵdar berý jumysyna da kóńil bólgenimiz abzal.
Jalpy, kásiptik baǵdar berý degenimiz – qoǵamnyń qajettiligine qaraı árbir mektep bitirýshi oqýshynyń qabileti men beıimin eskere otyryp, kásiptik qyzyǵýy men qabilettiligin qalyptastyrýǵa jáne mamandyq tańdaýǵa kómektesýde, maqsatty atqarylatyn jumys. Iaǵnı joǵary oqý oryndaryndaǵy ár salanyń ozyq mamandary mektep oqýshylaryna bolashaqta kim bolatynyna qaraı baǵdar berip, óziniń mamandyǵynyń qoǵamdaǵy róli týraly aqparat berý degen sóz. Sebebi elimizdegi jastardyń osyndaı paıdaly aqparattarmen tolyq tanyspaı, mamandyqqa kezdeısoq kelýi olardyń tańdaǵan mamandyǵyna beıimdele almaı jumys orynyn jıi ózgertýine sebep bolady. Sondyqtan bizdiń ýnıversıtetimiz óz túlekterinde osyndaı máselemen týyndamaý úshin kásibı baǵdar jumysyn júıeli jolǵa qoıyp keledi.
2017-2018 oqý jylynda ýnıversıtetimizdiń rektory Takır Balyqbaevtyń bastamasymen ýnıversıttetke úzdik bitirgen, ónerli de, talanty mektep oqýshylary men kolej stýdentterin tartý maqsatynda «Kásibı baǵdar berý forýmy» qurylǵan bolatyn. Onyń quramyna ýnıversıttettegi ár ınstıtýttyń tájirıbeli oqytýshylary tartylyp, olar pedagogıkalyq mamandyqtyń qaı jerde bolmasyn joǵary suranysqa ıe bolatynyn nasıhattap, oqý ornymyzǵa talantty jastardy kóptep jınaýda. Bıylǵy álemde oryn alyp jatqan koronavırýs pandemıasyna qaramastan bizdiń ýnıversıtettimizde oqýǵa nıet bildirgen talapkerlerdiń sany eki esege artty. Bul da kásibı baǵdar jumysynyń nátıjesinde ekeni belgili. Sonymen qatar jyl basynan beri ýnıversıtettegi Fılologıa jáne kóptildi bilim berý ınstıtýtynda dırektor Tańjaryqova Alýanyń tikeleı basshylyǵymen kásibı baǵdar jumysy josparly túrde atqarylyp keledi. Instıtýt dırektorynyń bastamasymen profesor-oqytýshylarymyz elimizdiń orta bilim berý uıymdarymen baılanys ornatyp, onlaın formatta kóptegen is-sharalar ótkizdi.
Sondaı-aq naýryz aıynyń 21-29 aralyǵynda Máskeý qalasyndaǵy Eýrazıalyq Yntymaqtastyq Uıymnyń uıymdastyrýymen Qazaqstan, Qyrǵyzstan, Reseı, Belarýssıa, Tájikstan Respýblıkalary JOO-larynyń «Eýrazıalyq bilim berý forýmy» 2018-2025 jyldarǵa arnalǵan strategıalyq josparyna sáıkes, Osh jáne Bishkek qalalarynda is-saparda bolyp qaıtty. Ondaǵy maqsat 9-11synyp oqýshylarymen kezdesý ótkizip, olardy bizdiń ýnıversıtetimizge oqýǵa shaqyrý bolatyn. Ýnıversıttettiń rektory T.Balyqbaevtyń arnaıy buıryǵy boıynsha Fılologıa jáne kóptildi bilim berý ınstıtýtynyń dosenti E.Moldasanov, profesor B.Balgazına, marketıń bóliminiń jetekshisi Á.Qalambaeva sheteldik joǵary oqý oryndarymen baılanys ornatý maqsatynda, Kásiptik baǵdar berý jumysyn júrgizdi. Atalǵan sharada ýnıversıttettiń tarıhy, álemdik naryqtaǵy orny, sheteldik stýdentterdi JOO qabyldaý erejeleri boıynsha aqparattar berilip, 3000 stýdentpen kezdesý uıymdastyryldy. Osynyń nátıjesinde 30-dan astam sheteldik stýdent Abaı atyndaǵy Qazaq ulttyq pedagogıkalyq ýnıversıtetine oqýǵa nıet bildirdi. İsshara barysynda: Eýrazıalyq Yntymaqtastyq Uıymnyń dırektory Danılov Dmıtrıı Aleksandrovıch, Osh qalasynyń vıse-meri Emır Shadyhanov, OshMÝ halyqaralyq baılanys departamentiniń dırektory Abdývalıev Abdygany Osmanovıch, Reseı depýtaty Vornovskıh Dımıtrıı Vladımırovıch, Mınsk MLÝ-diń dekany Ponımmatko Aleksandr Petrovmch jáne t.b memleketterdiń dekan, kafedra meńgerýshilerimen yntymaqtastyq sharalary týraly suhbattar ótkizdi.
