İs-sharaǵa ýnıversıtet rektory Takır Balyqbaev, prorektorlar, qurylymdyq bólim basshylary, qyzmetkerler men profesor-oqytýshylar quramy qatysty.
Semınar-trenıng barysynda Strategıalyq damý josparynyń basym baǵyttary men mehanızmderi taldanyp, tutynýshyǵa arnalǵan qundylyqtar, negizgi biliktilik, naryq pen salaǵa jasalǵan boljamdar, strategıalyq baǵdarlar, korporatıvtik mádenıet máseleleri qarastyryldy.
Oǵan qatysýshylar Strategıalyq damý jospary boıynsha óz pikirlerimen bólisip, basshylyq, qyzmetkerler men profesor-oqytýshylar quramynyń biliktiligin, jumys nátıjesin baǵalaý boıynsha arnaıy tapsyrmalardy oryndady.
Strategıalyq damý josparynyń negizgi mindetteriniń biri basqarýdyń jańa úlgisine kóshý bolyp tabylady. Bul úlginiń negizgi mazmuny – Beıindi kóshbasshylyq (BK) jáne Kóldeneń sıkldyq uıymdyq qurylymdy engizý (KSUQ).
Beıindi kóshbasshylyq baǵyty boıynsha oqý orny naryqtyq jáne salalyq damý jolynda ujym pikirimen sanasa otyryp, únemi alǵa qaraı umtylýy qajet. Beıindi kóshbasshylyq kezeńinde salany damytý, basqarý, problemalardy anyqtaý jáne olardy sheshý joldaryn izdestirý máselesi, qyzmetkerler men bólimshelerdiń áleýetin barynsha arttyrý, barlyq quramdy proseske jumyldyrý arqyly júzege asyrylady. BK – ıdeıalardy izdestirip tabý (bul úshin jańa ıdeıalardy birinshi basshy jalǵyz ózi ǵana emes, barlyǵy izdestirý qajet) asa mańyzdy. BK engizýdiń sońǵy nátıjesi – kásipkerlik uıymdy (menejerler men qyzmetkerleri ózine tıimdi jumys isteıtin uıymdy) qalyptastyrý bolyp tabylady.
Kóldeneń sıkldyq uıymdyq qurylym – kompanıany uıymdastyrýdyń jańa tásili, oǵan qarap oqý ornynyń qalaı uıymdastyrylǵanyn anyq kórýge bolady.
Basqarýdyń jańa úlgisin engizýdiń sońǵy nátıjesi búrokratıany joıý, basqarý isine shyn máninde bólimder men olardyń qyzmetkerlerin tartýmen aıqyndalady. Osy úlgini engizýde kútiletin nátıjeler: Ikemdi jáne jedel basqarý; Profesor-oqytýshylar quramy men Ákimshilik basqarma qyzmetkerleriniń jumysyn baǵalaýdyń tıimdi júıesi; POQ jáne ÁBQ-y yntalandyratyn eńbekaqy tóleý júıesi; Jumysqa qabyldaýdyń tıimdi júıesi; Stýdentterdi, magıstranttar men doktoranttardy oqýǵa qabyldaý; Basqarýǵa profesor-oqytýshylar quramyn tartý. Jalpy, ınstıtýttardyń jáne ýnıversıtettiń basqa da bólimsheleriniń qarqyndy uıymdastyrýshylyq jáne akademıalyq damýyn arttyrý.
Búgingi tańda ýnıversıtetti tutyný qundylyǵy tómendegideı júıelengen:
«Biz eń ozyq ádister men baǵdarlamalarǵa súıene otyryp, HHİ ǵasyrdyń pedagogyn daıyndaımyz. Bizdiń túlekter – qazirgi zamanǵy oqýshylardyń tez ózgeretin qajettilikterin boljaı alýǵa daıyn mamandar. Bizdiń korporatıvtik mádenıetimiz ben ınfraqurylymymyz stýdentterdiń barlyq múmkindikterin ashýǵa kómektesedi».
