Qazaqstandyq ánshi Jazira Baiyrbekova anasyna qatysty qabyldaǵan mańyzdy sheshimi týraly aityp, áleýmettik jelide kópshilikti oilandyrǵan jazba jariialady, dep habarlaidy dalanews.kz, Sn.kz-ke silteme jasap.
Óner iesiniń aitýynsha, ol anasyn Almatyǵa kóshirip ákelgen. Alaida bul qadamdy eń aldymen anasy úshin emes, ózi úshin jasaǵanyn jetkizdi.
«Anamnyń jaqyn jerde bolǵany qandai jaqsy. Anamdy jii kórip, batasyn alyp turý úshin Almatyǵa kóshirip ornalastyrdym. Bul isim anam úshin emes, ózim úshin. Adamnyń tamyry, mekeni, qaiyrymdylyqtar saýabynyń tóresi - Anada! Sońǵy ret anańyzǵa qashan syilyq jasadyńyz?» - dep jazdy Jazira Baiyrbekova.
Ánshiniń bul jazbasy jeli qoldanýshylarynyń júregine jol taýyp, ata-ananyń qadirin bilý, anaǵa qurmet kórsetý týraly kóptegen jyly pikirdiń jazylýyna sebep boldy.
Jazira Baiyrbekovanyń oqyrmandarǵa qoiǵan saýaly da kópshilikti oilandyryp, anaǵa degen qamqorlyq pen qurmettiń mańyzyn taǵy bir márte eske saldy.
