Esterińizge sala keteiik, 2023 jylǵy sáýirde estý qabileti boiynsha erekshe qajettilikteri bar kóptegen adam jumys isteý múmkindigine ie boldy. Shyǵys Qazaqstan oblysynyń eń iri kompaniiasy óz óndiristik nysandaryn kúzetý aiasynda Beinemonitoring ortalyǵyn iske qosty.
Munda qaýipsizdikti arnaýly monitorlardan onlain rejimde qadaǵalaityn erekshe adamdar eńbek etedi. Joba «Qazaqstan sańyraýlar qoǵamymen» birlesip iske asyryldy.
Beinemonitoring ortalyǵynyń árbir qyzmetkeri arnaýly daiyndalǵan baǵdarlama boiynsha oqytýdan ótti. Jumyskerler óz mamandyqtary boiynsha biliktilikterin arttyrý múmkindigine ie bolady – komandaǵa turaqty negizde kýrator bekitilgen. Al tájiribelik daǵdylaryn jaqsy meńgerý úshin kompaniianyń tájiribeli mamandary arnaýly jattyǵýlar júrgizedi.
Jańa bólimshe óziniń tiimdiligin rastap úlgerdi – Ortalyq jumys istegen kezeńde 350-den astam aýytqý tirkeldi. Qyzmetkerler óz jumystaryna úlken jaýapkershilikpen qaraidy.
«Kaztsinktiń» jobasy «Paryz» joǵary marapatyna usynyldy. Bul syilyqty el basshylyǵy qazaqstandyq iri kompaniialarǵa joǵary jetistikteri úshin tabystaidy. Bul jaǵdaida úzdik áleýmettik joba úshin berildi.
– Mundai joǵary marapat – barlyq kaztsinktikter úshin zor qurmet, – deidi kompaniianyń bas direktory Aleksandr HMELEV. – Biz qoǵamdyq qyzmetimizde árqashan eń mańyzdy taqyryptardy qamtýǵa tyrysamyz jáne inkliýzivti tájiribelerdi engizý sonyń biri bolyp tabylady. Erekshe qajettilikteri bar adamdardyń «Kaztsinkke» qosylýyna múmkindik beretin bastamanyń osyndai joǵary deńgeide atap ótilýi biz úshin óte mańyzdy. Bul bizdi qoǵamǵa paidaly jumysty jalǵastyrýǵa yntalandyra túsedi.
