ەرەكشە قاجەتتىلىكتەرى بار ادامدار جۇمىس ىستەيتىن وسكەمەن بەينەمونيتورينگ ورتالىعى «پارىز» بيزنەستىڭ الەۋمەتتىك جاۋاپكەرشىلىگى رەسپۋبليكالىق بايقاۋىندا جىلدىڭ ۇزدىك الەۋمەتتىك جوباسى بولىپ تانىلدى. وسى باستامانى ىسكە اسىرعانى ءۇشىن «كازسينك» استانادا وتكەن سالتاناتتى شارادا ەلىمىزدىڭ پرەزيدەنتى بەلگىلەگەن ەڭ بەدەلدى ماراپاتتاردىڭ بىرىنە يە بولدى.

ەستەرىڭىزگە سالا كەتەيىك، 2023 جىلعى ساۋىردە ەستۋ قابىلەتى بويىنشا ەرەكشە قاجەتتىلىكتەرى بار كوپتەگەن ادام جۇمىس ىستەۋ مۇمكىندىگىنە يە بولدى. شىعىس قازاقستان وبلىسىنىڭ ەڭ ءىرى كومپانياسى ءوز وندىرىستىك نىساندارىن كۇزەتۋ اياسىندا بەينەمونيتورينگ ورتالىعىن ىسكە قوستى.

مۇندا قاۋىپسىزدىكتى ارناۋلى مونيتورلاردان ونلاين رەجىمدە قاداعالايتىن ەرەكشە ادامدار ەڭبەك ەتەدى. جوبا «قازاقستان ساڭىراۋلار قوعامىمەن» بىرلەسىپ ىسكە اسىرىلدى.

بەينەمونيتورينگ ورتالىعىنىڭ ءاربىر قىزمەتكەرى ارناۋلى دايىندالعان باعدارلاما بويىنشا وقىتۋدان ءوتتى. جۇمىسكەرلەر ءوز ماماندىقتارى بويىنشا بىلىكتىلىكتەرىن ارتتىرۋ مۇمكىندىگىنە يە بولادى – كومانداعا تۇراقتى نەگىزدە كۋراتور بەكىتىلگەن. ال تاجىريبەلىك داعدىلارىن جاقسى مەڭگەرۋ ءۇشىن كومپانيانىڭ تاجىريبەلى ماماندارى ارناۋلى جاتتىعۋلار جۇرگىزەدى.

جاڭا بولىمشە ءوزىنىڭ تيىمدىلىگىن راستاپ ۇلگەردى – ورتالىق جۇمىس ىستەگەن كەزەڭدە 350-دەن استام اۋىتقۋ تىركەلدى. قىزمەتكەرلەر ءوز جۇمىستارىنا ۇلكەن جاۋاپكەرشىلىكپەن قارايدى.

«كازسينكتىڭ» جوباسى «پارىز» جوعارى ماراپاتىنا ۇسىنىلدى. بۇل سىيلىقتى ەل باسشىلىعى قازاقستاندىق ءىرى كومپانيالارعا جوعارى جەتىستىكتەرى ءۇشىن تابىستايدى. بۇل جاعدايدا ۇزدىك الەۋمەتتىك جوبا ءۇشىن بەرىلدى.

– مۇنداي جوعارى ماراپات – بارلىق كازسينكتىكتەر ءۇشىن زور قۇرمەت، – دەيدى كومپانيانىڭ باس ديرەكتورى الەكساندر حمەليەۆ. – ءبىز قوعامدىق قىزمەتىمىزدە ءارقاشان ەڭ ماڭىزدى تاقىرىپتاردى قامتۋعا تىرىسامىز جانە ينكليۋزيۆتى تاجىريبەلەردى ەنگىزۋ سونىڭ ءبىرى بولىپ تابىلادى. ەرەكشە قاجەتتىلىكتەرى بار ادامداردىڭ «كازسينككە» قوسىلۋىنا مۇمكىندىك بەرەتىن باستامانىڭ وسىنداي جوعارى دەڭگەيدە اتاپ ءوتىلۋى ءبىز ءۇشىن وتە ماڭىزدى. بۇل ءبىزدى قوعامعا پايدالى جۇمىستى جالعاستىرۋعا ىنتالاندىرا تۇسەدى.