Ulttyq qaýipsizdik komitetiniń burynǵy tóraǵasy Kárim Másimov isi boiynsha tárkilengen baǵaly buiymdar elektrondy saýda alańynda satylymǵa qoiyldy, dep habarlaidy Dalanews.kz.
Aktivterdi qaitarý basqarmasy uiymdastyrǵan onlain-aýktsionda kózdiń jaýyn alatyn asyl zattar bar: injý-marjandy bilezikter men monshaqtar, qymbat bijýteriia, bylǵary belbeýler men ekskliýzivti qalamdar, sondai-aq, kollektsiialyq monetalar men sýyq qarý túrleri, qylyshtar, qanjarlar, baltalar men pyshaqtar.
Saýdaǵa shyǵarylǵan buiymdardyń baǵasy da san túrli.
Mysaly, Montegrappa Italia markaly qalamnyń bastapqy quny 628 myń teńge bolsa, múiizden jasalǵan saby bar qylysh 582 myń teńgeden satylyp jatyr.
Kavkaz qanjarynyń baǵasy 198 myń, basy qoltyraýyn beinesinde jasalǵan damask bolatynan soǵylǵan pyshaq 95 myń teńgege baǵalanǵan.
Aýktsiondaǵy eń qymbat buiym nominaly 200 dollarlyq, Elizaveta II beinelengen sývenirlik moneta. Onyń satylymdaǵy quny 3,1 mln teńge.
Bul zattardyń barlyǵy Másimovtiń isi boiynsha Astanadaǵy villadan tárkilengen múlik tizimine sai keledi. Buǵan deiin bul jer telimi kásipker Keńes Raqyshevtiń jeke menshiginde bolǵany aitylǵan edi.
Eske salaiyq, buǵan deiin Másimovtiń Astanadaǵy záýlim úii úshinshi ret saýdaǵa qoiylǵan bolatyn.
Aýktsion 13 mamyr kúni ótýi kerek bolǵan.
Qaitarylǵan aktivterdi basqarý jónindegi kompaniia Nura aýdany Ereimentaý kóshesi, 1 mekenjaiynda ornalasqan eńseli záýlim úidi satýǵa qoiylǵan bolatyn.
Bastapqy baǵasy – 1,8 mlrd teńge, kepildik jarnasy – 118 mln teńge.
Qyzyǵy, dál osy úidiń sýretterin 2022 jyly Ulttyq qaýipsizdik komiteti eks-tóraǵa Kárim Másimov qamaýǵa alynǵan kezde jariialaǵan edi. Tergeý barysynda onyń zańsyz iemdengen birneshe nysany anyqtalǵan, solardyń biri - eńseli kottedj.
Másimov 2022 jylǵy Qańtar oqiǵasy kezinde ustaldy. Keiin oǵan «memleketke opasyzdyq jasady», «bilikti kúshpen basyp alýǵa árekettendi» degen aýyr aiyptar taǵylyp, 2023 jylǵy sáýirde 18 jylǵa sottaldy. Ol úkimge appeliatsiialyq shaǵym túsirgenimen, sot sheshimdi ózgertpedi. Byltyr jazda «raqymshylyqqa iligemin be» degen úmiti de aqtalmai, Toqaev «murttynyń» ótinishin maqul kórmedi.
