Memleket basshysynyń tapsyrmasyna sáikes óńirlerdegi bilim sapasyn arttyrý maqsatynda «Keleshek mektepteri» salynyp, el igiligine berilýde. Ulttyq joba aiasynda Túrkistan oblysynda jalpy sany 29 bilim oshaǵynyń qurysyly josparlanaǵan. Osy tusta oblys ákimi Nuralhan Kósherov Tólebi aýdany, Dostyq eldi mekenindegi 900 oryndyq «Keleshek mektebiniń» qurylys alańynda bolyp, merdigerlerdiń jumysyn baqylady,- dep habarlaidy Dalanews.kz
Bilim berý salasyna erekshe serpin beretin jobalardyń jumysyn sapaly oryndaýdy tapsyryp, jaýaptylarǵa ýaqyt pen sapany nazarǵa alýdy tapsyrdy. Ýchaskelik jer aýmaǵy – 3 gektar. Búginde qurylys jumystary 90 paiyzǵa oryndalǵan. Ishki árleý, syrlaý, shatyr ornatý, qyzmetteri aiaqtalǵan. Zamanaýi mekteptiń infraqurylym jumystary tolyq rettelgen. Internet jáne gaz qosý sharalary qolǵa alynǵan.
Aýdan kóleminde jalpy sany 4 «Keleshek mektepterin» salý josparlanyp, búginde 3 mekteptiń qurylys jumystary júrgizilýde. Atap aitqanda, Alataý eldi mekeninde 300 oryndyq, Kóksáiekte 600 oryndyq, Kielitastaǵy 900 oqýshyǵa arnalǵan mektepter. Jańasha baǵyttaǵy bilim oshaqtarynda balalardyń sapaly bilim alýy úshin derlik barlyq jaǵdai qarastyrylady.
Osy kúni oblys basshysy Lengir qalasy, I móltek aýdanynda ornalasqan turǵyn úilerdiń qurylys barysyna sholý jasady. N.Kósherov aralaý barysynda jaýaptylarǵa áleýmettik mańyzy bar kez-kelgen nysan qateliksiz, sapaly salynýy tiis ekenin eskertti.
Munda 5 qabatty 3 turǵyn úi kesheni salynyp jatyr. Páter sany – 48, 1 bólmeli 12 páter, 2 bólmeli 12 páter, 3 bólmeli 24 páter. Turǵyn úidiń qurylysy 2023 jyly bastalyp, búginde shatyr jabý, ishki, syrtqy árleý, esik, tereze ornatý syndy jumystary aiaqtalýǵa jaqyn. Joba quny 625, 5 mln.teńge. Turǵyn úi respýblikalyq jáne oblystyq biýdjet esebinen salynǵan. Qurylys jumystary aiaqtalsa, biyl paidalanýǵa berilmek.
Aralaý jumystary aýdandaǵy «Meiir-Beis» joǵary meditsinalyq jáne pedagogikalyq kolledjinde jalǵasty. Oblys basshysy bilim ordasynyń mumkindikterimen tanysyp, farmatsevtikalyq, stomatololgiialyq dáris berý bólmelerin aralap kórdi. Kolledj jańa formatta jumysyn jalǵastyrýda. Munda 56 maman dáris beredi. Jalpy 84 dárishana qarastyrylǵan.
