مەملەكەت باسشىسىنىڭ تاپسىرماسىنا سايكەس وڭىرلەردەگى ءبىلىم ساپاسىن ارتتىرۋ ماقساتىندا «كەلەشەك مەكتەپتەرى» سالىنىپ، ەل يگىلىگىنە بەرىلۋدە. ۇلتتىق جوبا اياسىندا تۇركىستان وبلىسىندا جالپى سانى 29 ءبىلىم وشاعىنىڭ قۇرىسىلى جوسپارلاناعان. وسى تۇستا وبلىس اكىمى نۇرالحان كوشەروۆ تولەبي اۋدانى، دوستىق ەلدى مەكەنىندەگى 900 ورىندىق «كەلەشەك مەكتەبىنىڭ» قۇرىلىس الاڭىندا بولىپ، مەردىگەرلەردىڭ جۇمىسىن باقىلادى،- دەپ حابارلايدى Dalanews.kz
ءبىلىم بەرۋ سالاسىنا ەرەكشە سەرپىن بەرەتىن جوبالاردىڭ جۇمىسىن ساپالى ورىنداۋدى تاپسىرىپ، جاۋاپتىلارعا ۋاقىت پەن ساپانى نازارعا الۋدى تاپسىردى. ۋچاسكەلىك جەر اۋماعى – 3 گەكتار. بۇگىندە قۇرىلىس جۇمىستارى 90 پايىزعا ورىندالعان. ىشكى ارلەۋ، سىرلاۋ، شاتىر ورناتۋ، قىزمەتتەرى اياقتالعان. زاماناۋي مەكتەپتىڭ ينفراقۇرىلىم جۇمىستارى تولىق رەتتەلگەن. ينتەرنەت جانە گاز قوسۋ شارالارى قولعا الىنعان.
اۋدان كولەمىندە جالپى سانى 4 «كەلەشەك مەكتەپتەرىن» سالۋ جوسپارلانىپ، بۇگىندە 3 مەكتەپتىڭ قۇرىلىس جۇمىستارى جۇرگىزىلۋدە. اتاپ ايتقاندا، الاتاۋ ەلدى مەكەنىندە 300 ورىندىق، كوكسايەكتە 600 ورىندىق، كيەلىتاستاعى 900 وقۋشىعا ارنالعان مەكتەپتەر. جاڭاشا باعىتتاعى ءبىلىم وشاقتارىندا بالالاردىڭ ساپالى ءبىلىم الۋى ءۇشىن دەرلىك بارلىق جاعداي قاراستىرىلادى.
وسى كۇنى وبلىس باسشىسى لەنگىر قالاسى، ءى مولتەك اۋدانىندا ورنالاسقان تۇرعىن ۇيلەردىڭ قۇرىلىس بارىسىنا شولۋ جاسادى. ن.كوشەروۆ ارالاۋ بارىسىندا جاۋاپتىلارعا الەۋمەتتىك ماڭىزى بار كەز-كەلگەن نىسان قاتەلىكسىز، ساپالى سالىنۋى ءتيىس ەكەنىن ەسكەرتتى.
مۇندا 5 قاباتتى 3 تۇرعىن ءۇي كەشەنى سالىنىپ جاتىر. پاتەر سانى – 48، 1 بولمەلى 12 پاتەر، 2 بولمەلى 12 پاتەر، 3 بولمەلى 24 پاتەر. تۇرعىن ءۇيدىڭ قۇرىلىسى 2023 جىلى باستالىپ، بۇگىندە شاتىر جابۋ، ىشكى، سىرتقى ارلەۋ، ەسىك، تەرەزە ورناتۋ سىندى جۇمىستارى اياقتالۋعا جاقىن. جوبا قۇنى 625، 5 ملن.تەڭگە. تۇرعىن ءۇي رەسپۋبليكالىق جانە وبلىستىق بيۋدجەت ەسەبىنەن سالىنعان. قۇرىلىس جۇمىستارى اياقتالسا، بيىل پايدالانۋعا بەرىلمەك.
ارالاۋ جۇمىستارى اۋدانداعى «مەيىر-بەيس» جوعارى مەديسينالىق جانە پەداگوگيكالىق كوللەدجىندە جالعاستى. وبلىس باسشىسى ءبىلىم ورداسىنىڭ مۇمكىندىكتەرىمەن تانىسىپ، فارماسيەۆتيكالىق، ستوماتولولگيالىق ءدارىس بەرۋ بولمەلەرىن ارالاپ كوردى. كوللەدج جاڭا فورماتتا جۇمىسىن جالعاستىرۋدا. مۇندا 56 مامان ءدارىس بەرەدى. جالپى 84 ءدارىسحانا قاراستىرىلعان.
