بالا جامبىل اتىمەن ەلگە تانىلعان جاس اقىن جامبىل دٷيسەنوۆ كٶپشٸلٸك الدىنا قايتا شىعۋعا نيەتتٸ ەكەنٸن مەلٸمدەدٸ. بٸراز ۋاقىت بويى حالىق نازارىنان تىس قالعان اقىن الداعى ۋاقىتتا شىعارماشىلىعىن جالعاستىرىپ, ساحنا مەن ەفيرگە قايتا ورالعىسى كەلەتٸنٸن ايتتى, دەپ حابارلايدى dalanews.kz.
جامبىل دٷيسەنوۆتٸڭ سٶزٸنشە, ول سوڭعى ۋاقىتتا اقش-تا بولعان. الايدا امەريكاعا وقۋعا بارماعانىن جەتكٸزدٸ. اقىن شەتەلگە قانداي ماقساتپەن بارعانىن كەيٸنٸرەك ەلەۋمەتتٸك جەلٸدەگٸ پاراقشاسىندا تٷسٸندٸرەتٸنٸن ايتتى.
"حالقىمدى قايتادان قۋانتقىم كەلەدٸ. حالقىمنىڭ ىقىلاسىنا بٶلەنگٸم كەلەدٸ. حالقىمنىڭ جٷرەگٸنەن ورىن تاپقىم كەلەدٸ. حالىقتىڭ ىقىلاسىنا بٶلەنسەم, مەن ٷشٸن ودان اسقان باقىت تا, ماراپات تا جوق. قايتادان جارق ەتٸپ شىعامىن. حالقىما ۋەدە بەرەمٸن", – دەدٸ ول جارييالاعان ۆيدەوسىندا.
جاس اقىن الداعى ۋاقىتتا تەلەارنالارعا شىعىپ, جاڭا ٶلەڭدەرٸن كٶپشٸلٸككە ۇسىنۋدى جوسپارلاپ وتىر. ول شىعارماشىلىعىن دامىتىپ, قايتادان ەل الدىنا شىعۋعا دايىن ەكەنٸن جەتكٸزدٸ.
وسىعان بايلانىستى قازاقستاننىڭ حالىق ەرتٸسٸ ماقپال جٷنٸسوۆا دا Instagram پاراقشاسىندا پٸكٸر بٸلدٸرٸپ, اقىنعا قولداۋ كٶرسەتتٸ.
"بالا جامبىل, اقىن جامبىل دەپ حالىقتى سٷيسٸنتكەن ەدٸ. ەندٸ ٷلكەن جٸگٸت بولىپ, باسىنان ٶتكەن قيىنشىلىقتى جەڭٸپ, حالىققا جاڭا ٶلەڭدەرٸن جارييا ەتۋٸنە تٸلەكتەسپٸن", – دەپ جازدى ەنشٸ.
ايتا كەتەيٸك, بالا جامبىل اتىمەن تانىلعان جامبىل دٷيسەنوۆ 4 جاسىنان باستاپ ٶلەڭ جازىپ, 7 جاسىنان جىر كەشتەرٸن ٶتكٸزٸپ, كٶپشٸلٸكتٸ تاڭعالدىرعان ەدٸ. كەزٸندە وعان بەلگٸلٸ اقىن مۇحتار شاحانوۆ تا باتاسىن بەرگەن.
