قازاقستاننىڭ قاي ٶڭٸرلەرٸندە جىلۋ جەنە گاز جەلٸلەرٸ جاڭارادى?

قازاقستاننىڭ قاي ٶڭٸرلەرٸندە جىلۋ جەنە گاز جەلٸلەرٸ جاڭارادى?
فوتو: جي

2027 جىلعى رەسپۋبليكالىق بيۋدجەتتەن ٶڭٸرلەردەگٸ ينفراقۇرىلىمدى جاڭارتۋعا قوسىمشا 47 ملرد تەڭگە قاراستىرىلدى. قۇرىلتاي دەپۋتاتتارىنىڭ باستاماسىمەن بٶلٸنگەن قاراجات 52 جوبانى جٷزەگە اسىرۋعا باعىتتالادى, دەپ حابارلايدى dalanews.kz.

قوسىمشا قارجىنىڭ باسىم بٶلٸگٸ – 28,1 ملرد تەڭگە جىلۋ, ەلەكتر جەنە گاز جٷيەلەرٸن دامىتۋعا جۇمسالادى. ونىڭ اياسىندا بٸرقاتار ەلدٸ مەكەندە ينجەنەرلٸك جەلٸلەر سالىنىپ, توزىعى جەتكەن نىساندار جاڭعىرتىلادى.

اقمولا وبلىسىنىڭ قورعالجىن اۋدانىندا جىلۋ جەلٸلەرٸن سالۋ, كٶكشەتاۋدا اۋىزسۋ جٷيەسٸ مەن كەرٸز كوللەكتورىن جٷرگٸزۋ, ال اتباساردا ورتالىق قازاندىقتى قايتا جاڭارتۋ جوسپارلانعان.

الماتى وبلىسىنىڭ ەڭبەكشٸقازاق اۋدانىندا گاز قۇبىرى مەن تاراتۋ جەلٸلەرٸ تارتىلادى. جامبىل وبلىسىنىڭ تالاس اۋدانىندا گاز جٷيەسٸ سالىنىپ, تاراز قالاسىندا جاڭا قوسالقى ستانتسييا بوي كٶتەرمەك.

قاراعاندى وبلىسىنداعى اقسۋ-ايۋلى, ەركٸندٸك, ٶسپەن جەنە سەكەن سەيفۋللين اۋىلدارىن گازبەن قامتۋ كٶزدەلٸپ وتىر. سونداي-اق اباي اۋدانىنداعى ماگيسترالدىق جىلۋ جەلٸسٸنٸڭ بٸر بٶلٸگٸ قايتا جاڭارتىلادى.

قوستاناي وبلىسىنىڭ قامىستى اۋدانىندا گاز تاراتۋ جەلٸلەرٸ سالىنىپ, ارقالىق پەن ليساكوۆسك قالالارىنداعى ماگيسترالدىق جىلۋ جٷيەلەرٸ جٶندەلەدٸ. قىزىلوردا وبلىسىندا سۋناقاتا, ەڭبەك, ەكپٸندٸ, قوجابەردٸ جەنە سٷتتٸقۇدىق اۋىلدارىنا گاز جەتكٸزۋ جوسپارلانعان.

ماڭعىستاۋ وبلىسىنىڭ اقتاۋ قالاسىندا قازاندىق سالىنادى. سەمەيدەگٸ ەكٸ مەكتەپتٸڭ ورتالىق جىلۋ پۋنكتتەرٸ مەن جىلۋ جەلٸلەرٸ قايتا جاڭعىرتىلىپ, قۋات ترانسفورماتورلارى اۋىستىرىلادى. سونىمەن قاتار «قۋانىش» بالاباقشاسىنان مەڭگٸلٸك ەل كٶشەسٸنە دەيٸنگٸ جىلۋ جٷيەسٸن جٶندەۋ قاراستىرىلعان.

سولتٷستٸك قازاقستان وبلىسىنىڭ نوۆويشيمسكوە اۋىلىندا ماگيسترالدىق جىلۋمەن جابدىقتاۋ جەلٸلەرٸ سالىنادى. ۋەليحانوۆ جەنە اقجار اۋداندارىندا جوعارى كەرنەۋلٸ ساقينالى ەلەكتر جەلٸسٸ جٷرگٸزٸلەدٸ. ٶسكەمەندەگٸ قازاندىق پەن تەكەلٸ قالاسىنداعى جىلۋ جەلٸلەرٸ دە جاڭارتىلادى. ۇلىتاۋ وبلىسىندا گاز قۇبىرى مەن اتاسۋ اۆتوماتتاندىرىلعان گاز تاراتۋ ستانتسيياسىن سالۋ جوسپارلانعان.

بۇدان بٶلەك, اتىراۋ وبلىسىندا ەلدٸ مەكەندەردٸ تاسقىننان قورعاۋعا 2,5 ملرد تەڭگە بٶلٸنەدٸ. بۇل قاراجات العا اۋىلىنداعى, سونداي-اق ماحامبەت اۋدانىنداعى ماحامبەت, بەيبارىس جەنە تالدىكٶل ەلدٸ مەكەندەرٸنٸڭ ماڭىندا جايىق ٶزەنٸنٸڭ جاعاسىن بەكٸتۋگە جۇمسالماق.

قوستاناي, تٷركٸستان جەنە ۇلىتاۋ وبلىستارىنداعى سۋمەن جابدىقتاۋ جٷيەلەرٸن دامىتۋعا 4,9 ملرد تەڭگە قاراستىرىلعان.

سونداي-اق پاۆلودار ەۋەجايىنىڭ تەرمينالى مەن باسقا دا نىساندارىن قايتا جاڭارتۋ جەنە شىمكەنتتە بٸر اۋىسىمدا 500 ادام قابىلدايتىن قالالىق ەمحانا سالۋ ٷشٸن 2,5 ملرد تەڭگە باعىتتالادى. اقتٶبە, جەتٸسۋ جەنە باتىس قازاقستان وبلىستارىنداعى جوبالاردى قولداۋعا تاعى 6,5 ملرد تەڭگە بٶلٸنبەك.