Atalǵan is-sharanyń maqsaty – balalardy otbasylyq-turmystyq jáne seksýaldyq zorlyq-zombylyqtan qorǵaý, qazirgi zamannyń shyndyǵyna sáikes kámeletke tolmaǵandardyń qaýipsizdigi men quqyqtaryn qorǵaýdy qamtamasyz etý tetikterin jetildirý.
Konferentsiia taqyrybynyń ózektiligi eldiń bolashaǵy úshin eleýli qater tóndiretin jáne jastardyń tolyqqandy damýy, árbir tulǵanyń qalyptasýy úshin teris saldarlarǵa ákep soǵatyn balalarǵa qatysty quqyq buzýshylyqtardyń ósýine bailanysty kún tártibinen túspei tur.
Konferentsiiany QR Ishki ister ministri, politsiia general-leitenanty E.Z. Turǵymbaev ashty. Ol óz sózinde kámeletke tolmaǵandarǵa qatysty quqyq buzýshylyqtardyń aldyn alýǵa bailanysty ózekti máselelerge, sondai-aq olardy sheshý boiynsha IIM qyzmetiniń negizgi baǵyttaryna nazar aýdardy. QR Prezidentiniń kómekshisi – Qaýipsizdik Keńesiniń hatshysy Á.Ó. Isekeshev konferentsiia qatysýshylaryna arnap quttyqtaý sóz sóiledi.
QR Parlamenti Senatynyń depýtaty D.O. Nurjigit, QR Parlamenti Májilisiniń Áleýmettik-mádeni damý komitetiniń múshesi D. B. Zakieva, QR Bala quqyqtary jónindegi ýákil A. Sain, QR Adam quqyqtary jónindegi Ýákil E. A. Ázimova, QR BǴM vitse-ministri B. A. Asylova, QR IIM Ákimshilik politsiia komitetiniń tóraǵasy M. A. Baimuqashev, sondai-aq Bas prokýratýranyń, Qazaqstan zańgerler odaǵynyń, IýNISEF, kámeletke tolmaǵandar isteri jónindegi mamandandyrylǵan sottyń, Almaty qalasy ákimdiginiń ókilderi, elimizdiń jetekshi ǵalymdary jáne basqa da Resei IIM basqarý akademiiasy jáne Túrkiia politsiia akademiiasy, Resei IIM Shyǵys Sibir institýtynyń belsendi ókilderi asa qyzyǵýshylyq tanytyp, qatysty. Sonymen qatar, ǵylymi is-sharaǵa Qazaqstan Respýblikasy IIM barlyq aýmaqtyq politsiia jáne qylmystyq-atqarý júiesi departamentteriniń basshylary boldy.
Qatysýshylardyń joǵary mártebesi konferentsiia taqyrybynyń jáne onyń sheńberinde qaralatyn problemalardyń ózektiligin rastady. Sonymen, konferentsiia barysynda eń ózekti máseleler talqylandy:
Kámeletke tolmaǵandarǵa qatysty quqyq buzýshylyqtar úshin jaýapkershilikti retteitin zańnamany jetildirý boiynsha; balalardy qorǵaýdaǵy vedomstvoaralyq tásil; Kámeletke tolmaǵandardy ekstremistik uiymdarǵa tartýǵa qarsy is-qimyl; balalarǵa qatysty zorlyq-zombylyqty joiý strategiialary; ómirlik daǵdarystyq jaǵdaiǵa tap bolǵan kámeletke tolmaǵandarǵa psihologiialyq kómek kórsetý erekshelikteri týraly jáne basqa da kóptegen máseleler qaraldy.
Is-sharanyń nátijeleri boiynsha konferentsiianyń barlyq qatysýshylarymen maquldanǵan qarar daiyndaldy. Mundai konferentsiia qoǵam úshin Balalardyń quqyqtary men qoǵamdy biriktirýdegi, jahandyq, aimaqtyq jáne ulttyq deńgeide qaýipsizdik pen turaqtylyqty qamtamasyz etýdegi róli men mańyzdylyǵy joǵary bolary sózssiz.
Ǵylymi is-sharanyń tikelei efiri ZOOM jáne Instagram baǵdarlamalarynyń kómegimen júzege asyryldy.
