JOO ujymy men stýdentterin mereıtoıymen oblys ákimi Amandyq Batalov quttyqtap, ýnıversıtet janynan qurylǵan ǵylymı-zertteý ınstıtýtynyń ashylýyna qatysty.
Instıtýttyń quramynda eki – bıogeotehnologıa jáne agrobıotehnologıa zerthanalary bar. Olardyń jumysy taý-ken jáne agrarlyq ónerkásip salalaryna ınovasıalyq bıotehnologıalyq tásilderdi engizýge negizdeledi. Qazirgi kezde ınstıtýtta doktorlar men ǵylym kandıdattaryn qosqanda 9 qyzmetker bar. Zertteý jumystaryna «Bıologıa» jáne «Ekologıa» fakúltetterinde oqıtyn stýdentter de tartylady.
Instıtýt jumysymen keńinen tanysyp, laboratorıany aralaǵan oblys basshysy zerthana qyzmetkerleriniń jumysyna tabys tilep, tilektestigin bildirdi. Sonymen qatar olardyń agrobıotehnologıa salasyndaǵy eńbekteri búgingi kún úshin, ásirese bizdiń agro-ındýstrıaldy oblysymyz úshin jáne aýyl sharýashylyǵyna ınovasıalardy engizý jumysy atqarylyp jatqan osy shaqta asa mańyzdy sanalatynyn atap ótti.
Munan soń Amandyq Batalov JOO-nyń 45 jyldyǵyna arnalǵan saltanatty sharaǵa qatysyp, quttyqtaý tilegin jetkizdi.
– Qazaq poezıasynyń Qulageri İlıas Jansúgirovtiń atymen atalǵan ýnıversıtet jarty ǵasyrǵa jaqyn ýaqyt ishinde otandyq bilim júıesinde óz orny men dástúri bar bilim ordasyna aınaldy.Ýnıversıtet túlekteri óńirimizdiń ekonomıkasynyń ár salasynda eńbek etip júr. Ásirese, pedagog mamandardyń 90 paıyzǵa jýyǵy – Jetisý memlekettik ýnıversıteti daıarlaǵan kadrlar.
Táýelsizdiktiń alǵashqy jyldarynda Prezıdentimiz Nursultan Ábishuly Nazarbaevtyń ýnıversıtetke arnaıy kelip, damýdyń basty baǵyttaryn aıqyndap berýi oqý ornynyń órkendeýine tikeleı áser etti.Elbasymyzdyń joǵary bilim berý júıesin damytý jónindegi tapsyrmalaryna oraı, búgingi tańda ýnıversıtette zaman talabyna saı jas býyndy oqytyp, tárbıeleý jaqsy jolǵa qoıylǵan. Jetisýdyń basty bilim ordasynda oqyǵan jastarymyz oblystyń, elimizdiń abyroıyn asyra bersin!Ýnıversıtet ujymyna mol tabystileımin! – dedi A. Batalov. Bilim ordasynda oblys ákiminiń grantymen bilim alyp jatqan stýdentter oqýyn oqý jylynyń sońyna deıin aıaqtaýy úshin 35 mln. teńgeniń sertıfıkatyn tabystady.Sonymen qatar oblys ákimi ýnıversıtet rektory Kýat Baımyrzaevqa oblys ákiminiń alǵys hatyn jáne bilim ordasynyń birqatar qyzmetkerlerine qurmet gramotalaryn tapsyrdy. Shara barysynda Amandyq Batalovqa «Qurmetti profesor» ataǵy berildi.
Saltanatqa qulager aqyn İlıas Jansúgirovtiń uly Saıat Jansúgirov arnaıy qatysty. Jıyn ýnıversıtet túlekteriniń, oqytýshylarynyń, stýdentter men qonaqtardyń izgi tilekterimen jalǵasty.
Jalpy, İ. Jansúgirov atyndaǵy Jetisý memlekettik ýnıversıtetin qurylǵannan beri 49000 túlek bitirgen. Olardyń 35 myńy – pedagogıkalyq mamandyqtar boıynsha támamdaǵan. Bitirýshiler arasynda ǵaryshker-synaqshy, avıasıa general-maıory, «Halyq qaharmany» Aıdyn Aıymbetov, Atlantadaǵy Olımpıada oıyndarynyń júldegeri, qola medal ıegeri Máýlen Mamyrov ta bar. Búgingi kúni ýnıversıtette 6 myń stýdent oqıdy. Olardyń ishinde 40-y mamandyq boıynsha – bakalavr, 21-i – magıstr, 6-ýy – doktoranttar. Bıylǵy jyly ýnıversıtet tuńǵysh ret Eýropa men Orta Azıanyń damýshy úzdik joǵarǵy oqý oryndarynyń arnaıy reıtıńisinde aldyńǵy qatardaǵy 300-diktiń ishine kirdi. Al ulttyq reıtıń boıynsha kópsalaly JOO 12-shi orynda.
Almaty oblysy ákiminiń baspasóz qyzmeti
https://dalanews.kz/31415
https://dalanews.kz/31415
