Resmi derekterge sáikes, búginde Qazaqstanda jastardyń sany shamamen 4 million adamdy quraidy. Olardyń arasynda 2,3 million jas – qalada, 1,7 milliony aýyldy jerlerde turady. Jastardyń qoǵamnyń energiiaǵa toly bóligi ekenin jáne ekonomika bolashaǵyna salynǵan investitsiia ekenin eskersek, búginde álemdik qaýymdastyqta jastar saiasatyn damytýǵa, sonyń ishinde jastarǵa beriletin bilim granttary men shákiraqylardy arttyrý ózekti bolyp qalýda.
Sóitip, qazylar alqasynyń uzaq keńesýinen keiin eki kúnge sozylǵan baiqaýdyń qorytyndysy boiynsha on bir stýdent shákirtaqy iegeri atandy. Olar – Málika Shaikenova, Nargiz Qajykenova, Uljan Nuǵmanova, Gúldana Qylyshbekova, Almas Ysqaqov, Azat Muqarov, Nursultan Naýryzbaev, Nurzada Saqtaǵanov, Aisha Asanjanova, Toqjan Orazǵali, Ainur Qiiasova.
– Bul baiqaýdan alǵan áserim erekshe. Qarsylastarym da osal bolmady. Ár bir qatysýshy bilimdi. Baiqaý joǵary deńgeide uiymdastyrylǵan jáne óte ádil ótti dep oilaimyn. Jastar jyly Qazaqstan jastaryna úlken, ári tarihi múmkindik berip otyr. Birinshiden, jastardyń rýhani jaǵynan kemldenýine basa nazar aýdarý qajet. Ekinshiden, bilim máselesin eskerý kerek. Jastar arasyndaǵy quqyqtyq mádenietti, qoǵamdyq tártipti kúsheitip, quqyq buzýshylyq pen sybailas jemqorlyqqa múldem tózbeýshiliktiń qalyptastyrý sharalaryna basymdyq bergen jón. Osynyń nátijesinde memlekettik baǵdarlamalardyń tiimdiligi artady, – deidi jeńimpaz Málika Shaikenova.
– Jastardy qoldaý el ekonomikasynyń básekege qabilettiligin arttyrýǵa úlken úles qosady. Bizdiń taraptan jastarǵa árdaiym qoldaý bolady. Búgingi baiqaýǵa Oralbek Botbaidyń ózi qatysyp, jalyndy jastarmen tanysty. Reseide on eki myń qazaqstandyq stýdentterimiz bilim alýda. Jastar jylynda kreativti jobalarmen bólisýge bolady. Degenmen Máskeýde jastar jinalatyn arnaiy ǵimaratymyz joq. Bul bir úlken máselelerdiń biri. Eger el aǵalarymyz shet elde júrgen ushqyr oily, talantty jastarǵa kómek kórsetse nur ústine nur bolar edi degen oidamyn. Búgingi dodaǵa qatysqan stýdentterge rizamyn. Barlyǵy óte bilimdi. Osy oraida Oralbek Qojamjarulyna oiy ozyq jastardy qoldaǵanyna alǵysymdy bildirgim keledi, – deidi.
Al jastardy arasynda mańyzdy is-sharanyń ótýine uiytqa bolǵan bilikti kásipker, atymtai jomart Oralbek Botbai myrza da óz oiyn ortaǵa saldy
– Biylǵy jyly Jastar jyly osy oraida el aǵasy bolyp jastarǵa qamqorlyq tanytýdy paryz sanaimyn. Eki ulym da Máskeýde bilim alǵan, sondyqtan munda bilim alyp jatqan jastarymyzdyń jaǵdaiy maǵan belgili. Kúni keshe elimizde úlken ózgerister oryn aldy. Elý jylda el jańa demekshi memleketimizdegi ózgerister eldiń damýyna negiz bolady degen úmittemin. Biz ózimizdiń tarapymyzdan azamat retinde oǵan atsalysýymyz kerek. Jastardy eńbekke shaqyramyn. Eńbek barlyǵyn jeńedi! – dedi Oralbek Qojamjaruly.
Ainur NURLANQYZY
