QazUÝ QS «WUR bySubjec t2019» byltyrǵy jylǵy kórsetkishterin aıtarlyqtaı jaqsartty. Alǵash ret reıtingtiń 201-250 tobyna «Lıngvısıka» mamandyǵy, al 251-300 tobyna «Quqyqtaný» jáne «Aǵylshyn tili jáne ádebıet» kirdi. Sonymen birge «Óner jáne gýmanıtarlyq ǵylymdar» mamandyǵy 339-shy, al «Áleýmettik ǵylymdar jáne menejment» 364-shi oryndy ıelendi.
Reıtingtiń ádistemesi: akademıalyq bedel, jumys berýshiler arasyndaǵy bedel, ǵylymı maqalalar boıynsha keltirilgen dáıeksózder sany jáne Hırsha ındeksi sıaqty tórt ındıkator negizinde qurylǵan. QS «WUR by Subject 2019» 83 myńnan astam oqytýshylar men 42 myń jumys berýshilerdiń pikirlerin, sondaı-aq «Elsevier Scopus» derekqorynan alynǵan derekterdi eskere otyryp qurastyrylǵan.
Bul reıtıńide álemniń 1200-den astam joǵary oqý orny «Jaratylystaný ǵylymdary», «Áleýmettik ǵylymdar», «Óner jáne gýmanıtarlyq ǵylymdar», «Ómir týraly ǵylym jáne medısına», «Tehnıkalyq ǵylymdar jáne ınjenerlik is» sıaqty bes pándik salada baǵalanǵan.
Aıta keterlik jaıt, QazUÝ álemdik deńgeıdegi zertteý ýnıversıtetine aınalý baǵytyn ustana otyryp, álemdik reıtingilerde tabysty ilgerileýde. 2018 jyly QS ǵalamdyq reıtıńiniń qorytyndysynda qazaqstandyq jetekshi ýnıversıtet 220 oryndy ıelendi. Bul topqa TMD elderinen tek eki ýnıversıtet – Lomonosov atyndaǵy MMÝ men ál-Farabı atyndaǵy QazUÝ engen.
