قازۇۋ QS «WUR bySubjec t2019» بىلتىرعى جىلعى كورسەتكىشتەرىن ايتارلىقتاي جاقسارتتى. العاش رەت رەيتىنگتىڭ 201-250 توبىنا «لينگۆيستيكا» ماماندىعى، ال 251-300 توبىنا «قۇقىقتانۋ» جانە «اعىلشىن ءتىلى جانە ادەبيەت» كىردى. سونىمەن بىرگە «ونەر جانە گۋمانيتارلىق عىلىمدار» ماماندىعى 339-شى، ال «الەۋمەتتىك عىلىمدار جانە مەنەدجمەنت» 364ء-شى ورىندى يەلەندى.
رەيتىنگتىڭ ادىستەمەسى: اكادەميالىق بەدەل، جۇمىس بەرۋشىلەر اراسىنداعى بەدەل، عىلىمي ماقالالار بويىنشا كەلتىرىلگەن دايەكسوزدەر سانى جانە حيرشا يندەكسى سياقتى ءتورت ينديكاتور نەگىزىندە قۇرىلعان. QS «WUR by Subject 2019» 83 مىڭنان استام وقىتۋشىلار مەن 42 مىڭ جۇمىس بەرۋشىلەردىڭ پىكىرلەرىن، سونداي-اق «Elsevier Scopus» دەرەكقورىنان الىنعان دەرەكتەردى ەسكەرە وتىرىپ قۇراستىرىلعان.
بۇل رەيتينگىدە الەمنىڭ 1200-دەن استام جوعارى وقۋ ورنى «جاراتىلىستانۋ عىلىمدارى»، «الەۋمەتتىك عىلىمدار»، «ونەر جانە گۋمانيتارلىق عىلىمدار»، «ءومىر تۋرالى عىلىم جانە مەديسينا»، «تەحنيكالىق عىلىمدار جانە ينجەنەرلىك ءىس» سياقتى بەس پاندىك سالادا باعالانعان.
ايتا كەتەرلىك جايت، قازۇۋ الەمدىك دەڭگەيدەگى زەرتتەۋ ۋنيۆەرسيتەتىنە اينالۋ باعىتىن ۇستانا وتىرىپ، الەمدىك رەيتىنگىلەردە تابىستى ىلگەرىلەۋدە. 2018 جىلى QS عالامدىق رەيتينگىنىڭ قورىتىندىسىندا قازاقستاندىق جەتەكشى ۋنيۆەرسيتەت 220 ورىندى يەلەندى. بۇل توپقا تمد ەلدەرىنەن تەك ەكى ۋنيۆەرسيتەت – لومونوسوۆ اتىنداعى ممۋ مەن ءال-فارابي اتىنداعى قازۇۋ ەنگەن.
