Birinshiden, jalpy óte sátti taǵaiyndaý.
Onyń sebebi, bul kisi qarapaiym muǵalim, mektep direktory, bilim basqarmasy basshysynan bastap, bilim salasyndaǵy barlyq laýazymda otyrǵan, vitse ministr de bolǵan, bul salada tájiribesi jetkilikti, bilimdi, taza qazaq tildi adam.
Ekinshiden, qazirgi reforma bastaýy Nazarbaev ziiatkerlik mektepteri júiesinen alynǵan. Al, jańa ministr - Nazarbaev ziiatkerlik mektepteriniń qurýshysy, direktorlar keńesiniń tóraiymy.
Sondyqtan Aslan Sárinjipov bastap, Erlan Saǵadiev bylyqtyryp ketken reforma sońyna deiin shyǵady. Reforma toqtaidy dep qýanbańyzdar, múlde oilamai aq qoiýǵa tolyq negiz bar.
Úshinshiden, apamyz bir aptadan soń 4-shi naýryzda 61 jasqa tolady. Iaǵni, ol kisi zeinetker. Onyń ústine zań boiynsha kelesi jyly prezident sailaýy, prezident sailaýynan soń úkimet qaita doǵarysqa ketip, jańadan jasaqtalady. Sondyqtan, on besinshi ministr bul orynda uzaq otyrady dep aita almaimyn. Saǵadievke deiingi 13 ministr sekildi eń uzaǵynda bir jarym jyldan soń shynymen zeinetke ketedi.
Tórtinshiden, bilim salasyndaǵy sońǵy reformanyń, naqtyraq aitqanda 2016-2021 jyldarǵa arnalǵan bilim reformasynyń sońǵy eki jyly ǵana qaldy, al, jańa ministr sol reformanyń basynda turǵan adam retinde sońǵy núktesin qoiýǵa keldi degen oidamyn.
Jalpy oiym osy. Tileitinim, Nazarbaev ziiatkerlik mektepteriniń baǵdarlamasy tolyq enetindikten, Nazarbaev ziiatkerlik mektepteriniń jabdyqtalýy, muǵalimderiniń jalaqysy, materialdyq múmkindikteri tolyǵymen barlyq mektepterge jasalsa, soǵan jańa ministr kúsh salsa eken.
Sonymen birge "pedagog mártebesi" týraly zańdy tolyq, sapaly etip bekitip ketse eken, Elbasy tapsyrmasy orta jolda qalmaidy dep senemin.
A, aitpaqshy, jańa ministrge jalǵyz jaqyndyǵym bar, ol kisi de men sekildi himik nemese men ol sekildi himikpin.
Jańa ministrge sáttilik tileimin! Elimizdiń bilim, ǵylym salasy dami bersin!
Aiatjan Ahmetjanulynyń
facebook paraqshasynan
