Jiynǵa óńirdegi aýdan, qaladaǵy Jastar resýrstyq ortalyqtarynyń basshylary, oblystyq qoǵamdyq damý basqarmasy men jumyspen qamtý jáne áleýmettik baǵdarlamalar basqarmasynyń jáne qarjylyq uiymdardyń ókilderi qatysty.
Túrkistan oblysy ákiminiń orynbasary jaqsy nátije kórsetken Jastar ortalyqtarynyń basshylaryna tájirbie bólisýdi usynyp, belgilengen mejege tolyq jetpegen basshylarǵa úilestirý-uiymdastyrý jumystaryn kúsheitýdi tapsyrdy.
– Sizderge úlken mindet júktelgen. Árqaisysyńyz aýdan, qala jastaryna jaýaptysyzdar. Jastardy súiemeldeý, baǵyttaý, túsindirý jumystaryn júrgizý – sizderdiń moiyndaryńyzda.
Olardy aýyl sharýashylyǵynan bólek, basqa da tyń jobalarǵa, kásipterge tartyńyzdar. «Biznes ideia» konkýrsyn uiymdastyrylyp, 2,5% kólemindegi jeńildetilgen nesie boiynsha túsindirý jumystary tiisti deńgeide júrgizilsin.
Qarjylyq uiymdarmen birlesip, jastarǵa kásip ashý, nesie alý joldary týraly oqytý jumystaryn júrgizý kerek. Biyl kolledjderde zaman talabyna sai, suranysqa ie 10 jańa mamandyq ashylady. Sol týraly jastardy qulaǵdar etińizder.
Memlekettik mektepterden bólek, jekemenshik mekteptermen de mamandyq tańdaý boiynsha proforientatsiialyq jumystar júrgizý qajet. Jaqsy kórsetkish kórsetken aýdandar paidalanǵan tásilderińizdi basqa aýdandardaǵy áriptesterińizge úiretińizder.
Jastar arasynda qylmysty azaitý baǵytyndaǵy jumystar kúsheitilsin. Osy memlekettik baǵdarlamalar esebinen jastar arasyndaǵy problemalardyń birqatary sheshilýi tiis, – dedi Beisen Tájibaev.
Memlekettik grantqa 702 azamat ie boldy. «Bastaý biznes» jobasy aiasynda kásipkerlik negizderge oqýǵa – 11740, enbek.kz platformasynda onlain oqytýǵa – 1808, qysqa merzimdik kásiptik oqytýǵa 196 azamat joldandy.
Jiyn barysynda ár aýdan, qaladaǵy Jastar resýrstyq ortalyqtarynyń basshylary biyl uiymdastyrylatyn aýqymdy is-sharalar men jobalardy tanystyrdy. Jobalardy uiymdastyrýda otbasylyq jáne ulttyq qundylyqtardy dáripteýge, ekologiialyq mádenietti qalyptastyrýǵa, jastardyń kóshbasshylyq qabiletin arttyrýǵa den qoiylǵan.
Máselen, aýdandyq deńgeide ulttyq oiyndardy jańǵyrtý maqsatynda «Mergender» saiysyn, ekologiialyq mádenietti qalyptastyrýǵa baǵyttalǵan «Plogging» tazalyq is-sharasyn, otbasylyq qundylyqtardy dáripteý maqsatynda «Ulaǵatty ana – ult mereii» analar men qyzdar forýmyn, bilimdi orta qalyptastyrýdy kózdeitin «Jastar – BIZNESTE», «Ár kún – jańa múmkindik» atty seminar-treningter ótkizý josparlanýda.
Sonymen qatar oblystyq deńgeide áskeri-patriottyq «Biz jaýynger» jobasy, «Al-Farabi» intellektýaldy shoýy sekildi jańashyl jáne jastar arasynda suranysqa ie jelilik jobalar uiymdastyrylady. Budan bólek, ónerdi shyńdaýǵa baǵyttalǵan «Túrki elderiniń talantty jastary» halyqaralyq talantty jastar telejobasy qolǵa alynbaq.
Jobalarmen jiti tanysyp shyqqan oblys ákiminiń orynbasary is-sharalardy uiymdastyrýda otbasylyq qundylyqtardy nasihattaýǵa basymdyq berý kerek ekenin túrtip, lýdomaniia, sýitsid sekildi qazirgi zaman dertterine qarsy sharalardy qolǵa alýdy, qajetsiz jobalardy qysqarýdy usyndy.
Aita keteiik, búgingi tańda Túrkistan oblysyndaǵy halyq sany 2,1 milliondy qurasa, sonyń ishindegi 14-35 jas aralyǵyndaǵy jastar sany – 654 myńnan asady. Bul – óńir halqynyń 30 paiyzy.
