Qańtardyń sýyǵy men jaýyn-shashynyna qaramastan egistik alqabynda jumys istep jatqan qojalyqtardyń biri – "Allajar" sharýa qojalyǵy. Allajar Ábdirahmanovtyń basshylyǵyndaǵy qojalyqtyń enshisinde 7,2 gektar jer bar bolsa, sonyń 4,2 gektaryna erte pisetin qyryqqabat daqyly egilip jatyr.
Qazirgi tańda 60 adamnan quralǵan brigada egistik alqabynda tynbai jumys isteýde.
– Jumysshylarǵa kúnine 5000 teńgeden eńbekaqysyn tóleýdemiz. Qyryqqabattyń «Galikan F-1» jáne «Rinda» atty sorttaryn egip jatyrmyz.
Negizinen 2 aidyń kóleminde ekken eginimiz pisip jetiledi. Egilgen kóshettiń ústin japqyshpen jaýyp, jaýyn-shashynnan qorǵaimyz. Eń bastysy – kútip-baptaýǵa úlken mán berilýi kerek, – dedi A.Ábdirahmanov.
Jalpy biyl 500 gektarǵa jýyq jerge erte egiletin kókónister egý josparlanyp otyr. Qyryqqabat erte pisetindikten, maqtaaraldyq diqandar onyń sońynan qaýyn-qarbyz, maqta siiaqty ózge de daqyldardy egýge kirisedi. Osylaisha, sharýalar 1 jylda eki ret, tipti úsh ret ónim alady.
Aita keteiik, ótken jyly maqtaaraldyq sharýalar 20 myń tonnaǵa jýyq kókónis óndirip, onyń 80%-na jýyǵyn TMD, Baltyq jaǵalaýy elderine, Túrkiia, Germaniia, Grekiia memleketterine eksportaǵan.
