Joba elimizdiń qoldanystaǵy zańnamasynyń talaptaryna sáikes barlyq ruqsat berý rásimderinen ótip, quzyretti organdardyń sheshimderimen rastalǵan.
Maraldyǵy altyn óndirisine Ekologiia jáne Tabiǵi resýrstar, Ónerkásip jáne Qurylys vitse-ministrleri arnaiy jumys saparmen kelip, jobany júzege asyrýda barysynda qandaida bir zańbuzýshylyqty baiqamady. Jaýapty azamattar aýyl turǵyndarmen kezdesip, jobany toqtatýǵa zańdy negizderdiń joqtyǵyn jan-jaqty túsindirgen bolatyn.
Kóptegen tekseristerdiń nátijesi boiynsha fabrikanyń qurylysy men odan arǵy jumysynda zań buzýshylyqtardy baiqalmady. Osydan keiin mamandar quzyrly oryndar zaýyttyń jumysy barlyq erejeler men qaýipsizdik talaptaryna sáikes ekenin aityp túsindirdi.
Táýelsiz mamandardyń pikirlerine qulaq assańyz, zaýyt qyzmeti qorshaǵan orta men adamdar ómiri úshin qaýipsiz ekenin kóz jetkizýge bolady. Onyń ústine dál osyndai mańyzdy jobalar qazir elimizdiń ózge óńirlerinde tabysty júzege asýda.
Alaida qoǵamdyq tyńdaýlarda, odan keiin áleýmettik jelilerde arandatýshy toptar zaýyt qurylysyna barlyq kezeńde qarsylyq bildirip, jumystyń alǵa basýyna kedergi keltirýde. Áleýmettik jelide jariialanǵan beinematerialdardan aýyldyq klýbtyń zalyna halyqty kirgizbei, qoǵamdyq tyńdaýlardyń shyrqyn buzýǵa tyrysqandardy anyq kórýge bolady.
Aýyl turǵyndarynyń zaýyt qurylysyn qoldap, tyńdaýlarǵa qatysyp, óz pikirlerin bildirgeni úshin únemi qorqytýlarǵa tap bolyp, zorlyq-zombylyqqa ushyraǵan. Buǵan Maraldy aýylynyń turǵyndarynyń Kúrshim aýdandyq sotyna kelip túsken quqyqtyq qorǵaý týraly onnan astam aryz-shaǵymy aiqyn dálel bolady.
Óz ómirlerine qaýip tóngen keibir aýyl turǵyndary el Prezidentine úndeý jazyp, arsha suraǵan.
Aýyl halqy zaýyttyń ekologiialyq normalardy saqtai otyryp, jumys istegenin qalaidy. Eger altyn óndirisi tolyqtai iske asqan jaǵdaida Maraldy aýylynyń turǵyndary laiyqty jumys taýyp, aýylǵa oralatyny sózsiz.
Búginde táýelsiz sarapshylar da Shyǵys Qazaqstan oblysy Kúrshim aýdanyndaǵy «Maralicha Cold» taý-ken kompaniiasy» JShS qyzmetiniń tóńireginde jasandy daý-shardyń sońǵy 2 jylda qyza túskenin alǵa tartýda.
Múddeli toptyń aryz-shaǵymdary negizinde respýblikalyq jáne jergilikti ónerkásip basqarmalarymen kóptegen jospardan tys tekserýler júrgizip, joba men kompaniianyń qyzmetinen zań buzýshylyqtardy tappaǵan.
Esesine memlekettik organdar narazylyq bilidirýshilerdiń artynda belgili bir múddeli toptyń turǵanyn anyqtady. Joq jerden jik shyǵarýshylar zaýyt ashýdyń naqty faktileri men artyqshylyqtaryna nazar aýdarmai, qarapaiym halyqtyń sanasyn manipýliatsiialaýǵa tyrysýda.
Kompaniia basshylyǵy Maraldy aýyldyq okrýginiń turǵyndaryn qoldaý úshin barynsha áleýmettik mindettemelerdi moinyna alýǵa daiyn ekenin alǵa tartqan bolatyn. Biyldyń ózinde kompaniia aýyl turǵyndaryn kómirmen qamtamasyz etip, olardyń turmysyna járdem qolyn sozdy. Budan basqa seriktestik ózderinde jumys isteitin múgedekter men aýdan turǵyndaryn baspanamen qamtamasyz etýdi, mektepter men aýrýhanalardy jóndeýdi jáne jańa jumys oryndaryn ashýǵa yqylas tanytyp otyr.
Sonymen qatar kompaniia biylǵy oqý jylynan bastap el aýmaǵyndaǵy joǵary jáne orta oqý oryndarynda Maraldy aýylynyń 15 balasyn tańdaǵan mamandyqtary boiynsha oqytýdy kózdep otyr.
Kásiporyn jumysy aýdandaǵy aýyldardyń ǵana emes, óńirde shaǵyn jáne orta biznestiń de damýyna jol ashatyny sózsiz. Óndiris oryny aýyl halyqyn jumyspen qamtyp, aqsha tabýyna múmkindik beredi.
Budan basqa kásiporyn mamandardy oqytyp, olarǵa áleýmettik kepildikter berýge de daiyn ekenin aita ketýimiz kerek. Osyndai igilikke iske qazir aýyl turǵyndarynyń múddesi men óńirdiń damýyna bei-jai qaraityn adamdar tarapynan qaýip tónip tur.
Aitpaqshy, kelesi qoǵamdyq tyńdaý erteń, iaǵni, 26 qańtar kúni ótedi. Bul jolǵy qoǵamdyq tyńdaýda aýyl turǵyndaryna jalǵan aqparatty tyqpalap, qoǵamdyq pikirdi burmalamai, qoǵamdyq tyńdaýda shyndyqty aitý mańyzdy bolyp tur.
Óitkeni kompaniianyń qyzmeti ashyq, tiimdiligi men qaýipsizdigi ekolog sarapshylar jáne jer qatynastary departamentiniń jáne basqa da ministrlikter men vedomstvolardyń ókilderimen rastalǵan. Sondyqtan bul jobany júzege asyrýǵa múmkindik berý óte mańyzdy.
Óz kezeginde ShQO prokýratýrasy QR Qylmystyq kodeksiniń 274-babyna sáikes adamdardyń aldyn ala sóz bailasyp, qoǵamdyq tártipti buzýy, uiymdardyń quqyqtary men zańdy múddelerine qaishy jalǵan áńgimelerdi aqparat quraldary men telekommýnikatsiia jelilerin tartý zańmen qýdalanatynyn eskertip otyr. Sondyqtan aldaǵy tyńdaýda jurttyń arasyna jik salyp, qarapaiym halyqty arandatýǵa jol berilmeý kerek.
https://dalanews.kz/sadak/98498-baybek-pen-sagyntaevtyng-ustnen-is-qo
