Búgin májiliste sybailas jemqorlyqqa qarsy jumysty jetildirý baǵytynda zań jobasy qaraldy, dep hababarlaidy Dalanews.kz.
Otyrysta sybailas jemqorlyqqa qarsy is-qimyl agenttigi tóraǵasynyń orynbasary Ulan Sarqulovqa túrli suraq qoiyldy. Máselen, depýtat Baqytjan Bazarbek kásipkerler tarapynan mańyzdy máseleni kóterdi.
Ol qatelikke boi aldyrǵan sheneýnikterge eshqandai jaza qoldanylmaitynyn atap ótti.
“Qazaqstanda myńdaǵan adam jumys isteitin kásiporyndar bar. Al árbir adamnyń otbasynda 5-6 adamnan bar. Sheneýnikter qabyldaǵan qaýlylar arqyly bireýlerge jer berildi. Óndiristik oryndar solai ustaǵannyń qolynda ketti. Al turǵyndar qazir sotqa berip jatyr. Bulai jalǵasa berse, eldegi úsh-tórt kásiporyn jabylady. Al sheneýnikterge qabyldaǵan sheshimi men shyǵarǵan qaýlysy úshin jaza berilgen joq. Ókinishke qarai, osy zań jobasynda kásipkerler eshbir normany kóre almady. Men de baiqamadym. Sheneýnikterdiń qaýlysynyń kúshin joiǵan sottardyń sheshimderi bar. Bul máseleni qalai retteisizder ” – dedi ashýǵa boi aldyrǵan depýtat.
Óz kezeginde Sarqulov Bazarbekke alǵysyn aita otyryp, suraǵyna jaýap berdi. Ol rasymen de ádiletsizdikter oryn alyp jatqanyn atap ótti.
Sonymen qatar Almatynyń taýly bókterinde zańsyz 54 qurylys anyqtalǵanyn jetkizdi. Onyń ishinde 35 nysannyń memleketke qaitarylýy kerektigi týrasynda sot sheshimi shyqqan. Sarqulov laýazymdy adamdar qylmystyq jaýapkershilikke tartylyp, tiisti sharalar qabyldanyp jatqanyn málimdedi.
Alaida Antikor orynbasarynyń bul jaýaby depýtattyń kóńilinen shyqpady.
Osy tusta ol 2021 jyly antikorǵa Almatynyń burynǵy ákimderi Baýyrjan Baibek pen Baqytjan Saǵyntaevtyń ústinen aryz jazǵanymen, ekeýiniń ústinen eshqandai is qozǵamalǵanyn aitty.
Al Sarqulov buǵan joǵaryda aitqan jaýabyn qaitalap, óz pikirinde qaldy.
https://dalanews.kz/bas-takyryp/98483-ministr-sharipkhanov-zhumystan-sharshasa
