Baǵdarlamanyń mańyzdy bóligi «Ulttyq Rýhani Jańǵyrý» Ulttyq jobasynyń tanystyrylymy, sondai-aq NEET sanatyndaǵy jastardy esepteý jáne anyqtaý algoritmi boldy.
Aqparat jáne qoǵamdyq damý vitse-ministri Asqar Omarov MOO jumys isteýiniń negizgi problemalyq máselelerin atap ótip, olardyń qyzmetiniń tiimdiligin arttyrý boiynsha birqatar naqty mindetter qoidy.
– JRO-nyń negizgi mindeti jastarmen, ásirese onyń osal toptarymen (NEET jastary, zańǵa qaishy keletin jastar, aýyl jastar) tikelei, júieli jáne ataýly jumys bolýy tiis. Ol úshin jastardyń qajettilikteri men múddelerine negizdelgen ártúrli ádisterdi qoldaný qajet: beiresmi bilim berý, konsýltatsiialyq qoldaý, jastar máselelerin sheshýge baǵyttalǵan jobalar, jumysqa ornalasýǵa kómektesý, – dedi vitse-ministr.
Jastar jáne otbasy isteri komitetiniń tóraǵasy Shahmardan Baimanov jastardy qoldaýǵa baǵyttalǵan «Ulttyq Rýhani Jańǵyrý» Ulttyq jobasynyń «Táýelsizdik urpaqtary» baǵyty týraly aityp berdi.
Ol turǵyn úi satyp alý, jastardy jańa startap-jobalarmen, jastardyń áleýmettik qyzmetterimen, «Eljastary» infonavigatorymen qamtý, jastar uiymdarynyń jobalaryna granttardy qarjylandyrýdy ulǵaitý jáne eriktiler qozǵalysyn damytý, «Jasyl el» jobasy sheńberinde jyl saiyn 30 myń jas adamdy, onyń ishinde 10 myń jasty aýyldyq jerde jumysqa ornalastyrý boiynsha jańa múmkindikter týraly habardar etti.
«Jastar» ǵylymi-zertteý ortalyǵynyń direktory Aian Sakoshev Qazaqstandaǵy NEET jastarynyń sanyn esepteý men anyqtaýdyń jańa algoritmin tanystyrdy. Ol «Tiimdi jáne naqty jumys isteý úshin NEET jastarynyń óńirlik elektrondyq derekter bazasyn qalyptastyrý qajet. Qazirgi ýaqytta jastarmen jumys boiynsha MOO úzdik tájiribeleriniń jinaǵy ázirlendi, ol MOO qyzmetiniń sapasyn arttyrýǵa yqpal etedi» dep atap ótti.
Alqa otyrysynda QR Parlamenti Májilisiniń depýtaty Mádi Ahmetov, ortalyq memlekettik jáne jergilikti atqarýshy organdardyń ókilderi, jastar uiymdary men ÚEU qyzmetkerleri taqyryp tóńireginde óz pikirleri men usynystaryn bildirdi.
Is-shara qorytyndysy boiynsha óńirlik MOO qyzmetkerleri memlekettik jastar saiasaty máseleleri boiynsha pikir almasyp, qoiylǵan mindetterdi talqylady.
Is-shara sanitarlyq-epidemiologiialyq normalardy saqtai otyryp, onlain jáne oflain rejiminde ótti.
